Црква „Св. Апостоли“ - Солун

Свети Апостоли (грчки: Αγίων Αποστόλων) — средновековна црква во градот Солун, Егејска Македонија. Влегува во состав на Солунската епархија на Цариградската патријаршија.^[1] Во 1988 г. е прогласена за светско наследство на УНЕСКО како дел од Ранохристијанските и византиски споменици во Солун.^[2][3][4]

Свети Апостоли
Αγίων Αποστόλων
Поглед на црквата
40°38′34.22″N 22°56′15.17″E
Место	Солун
Земја	Егејска Македонија, Грција
Вероисповед	Цариградска патријаршија
Архитектура
Архит. тип	крстокуполен храм
Завршена	1312 - 1315
Управа
Епархија	Солунска

Илустрација на црквата од Мери Аделаид Вокер, 1864 г.

Местоположба

Црквата се наоѓа на почетокот на улицата „Олимпос“, на истоимениот плоштад „Свети Апостоли“ близу западните градски ѕидови и урнатата Литиска порта.^[4]

Историја

Храмот е изграден меѓу 1312 и 1315 г. од патријархот Нифонт I (1310 – 1314) како црква на машкиот манастир „Пресв. Богородица Скоропослушница“. Основачот е спомнат на надвлезниот натпис како „Πατριάρχης και κτήτωρ“ („Патријарх и ктитор“) и на керамопластичните натписи на западниот и јужниот ѕид. Натписот на источниот ѕид ги споменува истиот патријарх и неговиот ученик, игуменот Павле како прв и втор ктитор на манастирот.^[4]

Иконографијата во храмот е со висока уметничка вредност.^[1]

За време на османлиското владеење црквата е претворена муслимански храм под името „Соук-су џамија“.^[5]

Живопис

• 
  „Преображение Христово“, мозаик од 1310 – 1314 г.
• 
  „Танцот на Саломија“, фреска од XIV век
• 
  Непознат светец, о. 1314 г.

Поврзано

• Солунска епархија