Црква „Св. Архангел Михаил“ - Ињево

Свети Архангел Михаил — манастирска црква на Ињевскиот манастир „Св. Архангел Михаил“.

Свети Архангел Михаил
Поглед на црквата
македонска православна црква
Епархија	Брегалничка
Архијерејско намесништво	Радовишко
Парохија	Ињевско-конечка
Местоположба
Координати	41°36′15.1″N 22°24′49.6″E
Место	Ињево
Општина	Радовиш
Држава	Македонија
Општи податоци
Покровител	Архангел Михаил
Изградба	27 април 1999
Осветување	20 октомври 2002
Архитектонски опис
Архит. тип	крстокуполен храм

Историја

Камен-темелник за изградба на црквата бил поставен на 27 април 1999 година од страна на Митрополитот Брегалнички г. Стефан. Црквата била осветена на 20 октомври 2002 година од страна на Митрополитот Брегалнички г. Агатангел.^[1]

Архитектура

Градбата на црквата претставува крстокуполен храм со осумаголна купола и полукружна апсида на источната страна. На секоја страна од куполата има по една монофора. Главниот влез на црквата е сместен на западната страна кон којашто е доградена отворена припрата, а над влезот од припратата има ниша со фреска на којашто е прикажан Архангел Михаил. Црквата има и спореден влез на северната страна. Објектот е граден од тули коишто се забележливи на најголем дел од површината на ѕидовите, додека апсидата и крилата се обоени во бела боја. Покриен е со кров од ќерамиди.

Внатрешноста на црквата не е фрескоживописана. Престолните икони се од монахињата Макрина од Беровскиот женски манастир, а останатите икони се дело на зографот Тони од Радовиш.^[1]

Галерија

• 
  Поглед на црквата
• 
  Припратата
• 
  Главниот влез
• 
  Споредниот влез
• 
  Куполата
• 
  Апсидата

Поврзано

• Ињево
• Ињевски манастир „Св. Димитриј“
• Ињевски манастир „Св. Архангел Михаил“
• Ињевски манастир „Св. Петка“
• Црква „Вознесение Христово“
• Црква „Рождество на Пресвета Богородица“
• Црква „Св. Петка“
• Црква „Св. Димитриј“
• Параклис „Св. Контантин и Елена“
• Ињевски крст
• Радовишко архијерејско намесништво
• Ињевско-конечка парохија