Црква „Св. Атанасиј“ - Зовиќ
црква во селото Зовиќ From Wikipedia, the free encyclopedia
Remove ads
Свети Атанасиј — црква во селото Зовиќ
Remove ads
Местоположба
Црквата е сместена на врв од рид во непосредна близина на селото.[1]
Историја
Според своите архитектонски и ликовни крактеристики, црквата потекнува од поствизантиски период, односно од XVII век.[2] Во поново време, со помош од месното население до црквата е изградена трпезарија, поставен е крст, а донесена е и електрична енергија.[1]
Архитектура
Градбата на црквата е еднокорабна со правоаголна основа и полукружна апсида на источната страна.[1] Влезот е сместен на западната страна и над него има ниша со фреска којашто е во лоша состојба. Објектот е граден од камен и варов малтер, а прекриена е со кров од црвени ќерамиди.[2]
Внатрешноста на црквата е зографисана. Иако црквата претрпела оштетувања низ годините, денес се сочувани вредни површини фрескоживопис, како што е претставата во олтарниот простор позната како Богородица со епитетот Платитера – Знамение од XVII век. Според иконографскиот тип, Богородица Знамение е облик на Богородица Ширшаја со молитвено издигнати раце. На сиво-сината заднина на фреската со бели грчки букви е испишан епитетот на Богородица. Претставата е работена според текстот на пророкот Исаија, според кој Богородица претставува отелотворение на црквата. Ваквата претстава на Богородица е значаен тематско-времеследен показател затоа што сведочи за присуството на пошироката сфера на византиската во постарата уметност.[2]
Во дворот на црквата се наоѓа помошен објект.
Галерија
Икона на Свети Атанасиј
Фреска во црквата
Претстава на Богородица Знамение
Фреска со натпис
Фреска со крст
Претстава на Свети Никола
Претстава на Свети Василиј
Поврзано
Наводи
Надворешни врски
Wikiwand - on
Seamless Wikipedia browsing. On steroids.
Remove ads