Црква „Св. Димитриј“ - Буково

Свети Димитриј — главна селска црква во битолското село Буково, Македонија.^[1]

Свети Димитриј
Поглед на црквата
македонска православна црква
Епархија	Преспанско-пелагониска
Архијерејско намесништво	Битолско
Парохија	Буковска
Местоположба
Координати	40°59′37″N 21°19′54″E
Место	Буково
Општина	Битола
Држава	Македонија
Општи податоци
Покровител	Свети Димитар
Изградба	XIX век
Завршено	1882
Архитектонски опис
Архит. тип	трикорабна базилика

Црквата претставува парохиско седиште на Буковската парохија.^[2][3]

Местоположба

Црквата е средишниот храм на селото, сместен во непосредна близина на основното училиште.

Историја

Црквата била изградена во 1882 година на местото на руини од стара црква.^[4]

Архитектура

Градбата претставува трикорабна базилика, архитектонски тип популарен по 1830-тите години. На источната страна има тристрана апсида, а на запад се издига црковната камбанарија. По должината на јужната фасада има припрата со помошни простории. Внатрешноста на градбата е поделена со два реда од по четири столбови, кои во горниот дел се лачно поврзани. На запад со ниска преграда издвоен е наосот од нартексот. Занимливост за оваа црква е што има катна галерија само над јужниот кораб на црквата, што е реткост.^[3]

Икони и иконостас

Во црквата зачувани се украси од постара црква, мала колекција на икони и царски двери од четвртото десетлетие на XVII век. На царските двери има старословенски натпис „Благовѣщенїі Богородице“.^[2] Царските двери веројатно се од стар иконостас од соседниот Буковски манастир или некоја постара црква во селото.^[5] Меѓу иконите од XVII век има две престолни. На едната, на Свети Меркуриј, има словенски натпис ЗРМД (1635/1636). Другата е на Свети Архангел Михаил која иконографски и стилски е слична со иконата од Слепченскиот манастир, која денес се наоѓа во Музејот на Македонија во Скопје.^[5] Иконите од XVII век и царските двери веројатно се дело на мајстори од Линотопската уметничка школа.^[6]

Фрескоживопис

Ѕидно сликарство постои во полукружните конхи од централната апсида и во протезисот. Според стилските одлики ѕидното сликарство соодвествува со еден дел од иконите на иконостасот кои се датирани кон крајот на XIX век. Иконостасот во црквата е конструиран со два реда на икони и според испишаните натписи врз нив, тие се изработени во текот на 1895, 1896 и 1907 година. Од истиот зограф најверојатно се насликани и иконите на амвонот, на еден од северните столбови од наосот.^[3]

• 
  Детаљ од царските двери, околу 1635 година
• 
  Икона на Архангел Михаил, II половина на XVII век
• 
  Царските двери во црквата, околу 1635 година.

Галерија

• 
  Западната страна
• 
  Камбанаријата
• 
  Влезот во припратата
• 
  Годината 1895 испишана на ѕид на црквата
• 
  Црковниот двор
• 
  Поглед на црквата
• 
  Поглед на црквата
• 
  Празна ниша над споредниот влез
• 
  Споредниот влез
• 
  Влезот во камбанаријата
• 
  Апсидата
• 
  Базен за верски обреди
• 
  Влезната порта
• 
  Помошниот објект
• 
  Дворот со црквата
• 
  Камбанаријата
• 
  Поглед на влезот
• 
  Камбанаријата со училиштето во позадина

Поврзано

• Битолско архијерејско намесништво
• Буковска парохија
• Буково