Црква „Св. Димитриј“ - Негуш

Свети Димитриј (грчки: Ιερός Ναός Αγίου Δημητρίου) — црква во градот Негуш, Егејска Македонија. Влегува во состав на Берско-негушко-камбаниската епархија на Цариградската патријаршија. Претставува еден од парохиските храмови во Негуш.^[1]

Свети Димитриј
Αγίου Δημητρίου
Црквата „Св. Димитриј“ (лево) и Историско-етнолошкиот музеј
40°37′43.9″N 22°3′46.6″E
Место	Негуш
Земја	Егејска Македонија, Грција
Вероисповед	Цариградска патријаршија
Архитектура
Архит. тип	крстокуполен храм
Завршена	1996
Управа
Архијерејско намесништво	Негушко
Епархија	Берско-негушко-камбаниска

Црквата е сместена во горниот западен дел на градот, близу плоштадот „Камена“ и срушената џамија. На местото на храмот имало црква уништена за време на Негушкото востание во 1822 г. При обновата на градот, на нејзино место е изграден мал храм. Во 1922 г. во оваа парохија се доселиле Грци од Мала Азија. Во 1996 г. малата црква е урната и на нејзино место е изграден сегашниот голем храм, по проект на архитектот Павлос Кирјакос. Изградбата чинела 15 милиони драхми, собрани од прилози на верниците.^[1]

Во храмот има две големи икони на Свети Димитрија Солунски, од кои едната датира од XVIII век. За вредни се сметаат и иконите на Свети Јован Богослов од XVII век и Свети Василиј од XVIII век, донесени од малоазиските доселеници.^[1]

Поврзано

• Берско-негушко-камбаниска епархија