Црква „Св. Илија“ - Пуздерци

Свети Илија — главна селска црква во селото Пуздерци.^[1] Црквата се наоѓа во источниот дел од селото, на стотина метри десно од патот кој води до селото Зарепинци. Во дворот на црквата се сместени селските гробишта.

Свети Илија
Поглед на црквата „Св. Илија“ во селото Пуздерци
македонска православна црква
Епархија	Брегалничка
Архијерејско намесништво	Штипско
Парохија	Четврта пробиштипска
Местоположба
Координати	41°56′38″N 22°08′09″E
Место	Пуздерци
Општина	Пробиштип
Држава	Македонија
Општи податоци
Покровител	Свети Илија
Завршено	1920
Зограф	непознато
Архитектонски опис

Историја

Црквата е изградена во 1920 година, но не е познато кога и од кој архијереј била осветена. Не е познато ниту од кој иконописец биле изработени иконите. Црквата не е зографисана.

Архитектура

Градбата на црквата е дводелна, при што и главниот и помошниот дел имаат четириаголна основа. Главниот дел е значително повисок и во него води влезната врата. Пред дрвената влезна врата има натстрешница покриена со ќерамиди, над која има живопис со ликот на Свети Илија. Главниот дел од градбата е покриен со кров од ќерамиди, додека помошниот дел е покриен со лимен кров. Покрај левиот раб од предната страна на црквата се наоѓа камбанаријата, којашто има примитивен облик и претставува ѕвоно виснато на држач закачен на ѕидот. Градбата целосно е обоена во бела боја.

Галерија

• 
  Влезната врата на црквата
• 
  Живопис на Свети Илија над влезната врата
• 
  Ѕвоното од камбанаријата на црквата
• 
  Селските гробишта
• 
  Гробови во дворот на црквата

Поврзано

• Штипско архијерејско намесништво
• Четврта пробиштипска парохија
• Пуздерци