Црква „Св. Павле“ - Свети Павле (1972)

Свети Павле (грчки: Αγίου Παύλου) — црква во градот Солун, Егејска Македонија. Влегува во состав на Солунската епархија на Цариградската патријаршија.^[1]

За истоимената црква од XXI век, видете Црква „Св. Павле“ - Свети Павле (2013).

Свети Павле
Αγίου Παύλου
Поглед на црквата од запад
40°38′19.2″N 22°57′41.0″E
Место	Солун
Земја	Егејска Македонија, Грција
Вероисповед	Цариградска патријаршија
Архитектура
Архитект(и)	Ксенофон Пеонидис
Завршена	1972
Управа
Епархија	Солунска

Историја

Фреска во храмот

Храмот се наоѓа во населбата Кастра, во јужниот крај на истоименото маало Свети Павле (Агиос Павлос), до Пашините градини и под булеварот „Охи“. Тамен-темелникот на храмот е поставен во 1919 г. по иницијатива на Солунското добротворно машко друштво и црквата е завршена во 1922 г. по проект на видниот архитект Ксенофон Пеонидис. Денешната црква е подигната во 1972 г. и зафаќа површина од 4.300 м². Во црковниот двор има свет извор со мала пештера, во која според преданијата се криел Апостол Павле кога бил гонет од солунците.^[1]

Во 1988 г. општината решила дека црквата треба да се сруши, но по интервенцијата на министерот за Македонија и Тракија, Стељос Папатемелис, таа е оставена. Храмот бил центар на парохијата сè до 1992 г. Истата година почнала изградбата на нов парохиски храм на стотина метри јужно.^[2] Во 2013 г. старият храм и зелениот појас пред него се обновени. Црквата е одново живописана, а во олтарот се направени важни интервенции.^[1]

Поврзано

• Солунска епархија