Црква „Св. Пантелејмон“ - Света

Св. Пантелејмон — црква во демирхисарското село Света. Му припаѓа на Крушевско-демирхисарското архијерејско намесништво во Преспанско-пелагониската епархија на МПЦ - ОА.

Свети Пантелејмон
Фреска со Кирил и Методиј
македонска православна црква
Епархија	Преспанско-пелагониска
Архијерејско намесништво	Крушевско-демирхисарско
Парохија	Бучинска
Местоположба
Координати	41°16′13.0″N 21°16′12.6″E
Место	Света
Општина	Демир Хисар
Држава	Македонија
Општи податоци
Покровител	Свети Пантелејмон
Изградба	1905 - 1910
Осветување	1911
Живопис	1913
Архитектонски опис
Архит. тип	еднокорабен

Црквата е гробишен храм, сместен на самиот северен крај на селото. Изградбата започнала во 1905 и завршила во 1910 година. Осветена е во 1911 година. Претставува еднокорабна градба со полукружна апсида и трем на запад. Има полукружен свод, а на запад има таваница. Ѕидаријата е од кршен камен, а аглите, отворите и венецот се од делкан камен. На запад над женската црква подоцна е изградена шестострана камбанарија, покриена со лим. Фасадите се фугирани, а апсидата е малтерисана. Храмот е живописан во 1913 година од истакнатиот мијачки мајстор Јаков Мажовски.^[1]

Во 1924 година покривот е поправен, а одделни фрески се повторно зографисани.^[2]

Слики

• 
  Живопис од црквата

Поврзано

• Бучинска парохија
• Крушевско-демирхисарско архијерејско намесништво