Црква „Св. Петка“ - Бериславци

Света Петка (грчки: Ναός Αγίας Παρασκευής) — преродбеничка црква во селото Бериславци, Мегленско, Егејска Македонија. Влегува во состав на Воденско-постолско-мегленската епархија на Цариградската патријаршија.

Фреска во црквата

Света Петка
Αγίας Παρασκευής
Фреска на Злата Мегленска од 1862 г.
41°5′55″N 22°15′56″E
Место	Бериславци, Мегленско
Земја	Егејска Македонија, Грција
Вероисповед	Цариградска патријаршија
Архитектура
Архит. тип	трикорабна базилика
Стил	преродбенички
Изградба	1850
Управа
Архијерејско намесништво	С’ботско
Епархија	Воденско-постолско-мегленска

Црквата се наоѓа на јужниот крај на селото, во непосредна близина на гробиштата. Според преданието, изградена е во 1850 г. Претставува трикорабна базилика со полукружна апсида и затворен трем од југ и запад. Ѕидовите се дебели 0,60 м. Има два влеза — на западната и јужната страна на црквата. Покривот е покриен со камени плочи. Со дебели камени плочи е покриен и подот. Во западниот дел на црквата, над припратата има женска црква. Столбовите се округли, дрвени и малтерисани во багдадски стил. Таванот е дрвен и живописан, каков што е и иконостасот.^[1]

Храмот е зографисан во 1862 г. На северниот ѕид се претставени Страстите Христови и светците. Во апсидата е Богородица Поширока од небесата меѓу Архангел Михаил и Архангел Гаврил. Под нив е годината 1862.^[1] Меѓу фреските има и претстава на Света Злата Мегленска со натпис на македонски „Света Злата Мегленская“.^[2]

Поврзано

• Воденско-постолско-мегленска епархија