Црква „Св. Петка“ - Струга

Свети Петка — македонски православен храм која се наоѓа веднаш на самиот десен брег и страна на реката Црн Дрим, на северниот крај на градот Струга. Црквата е сместена спроти Општата болница во градот, на многу прометна сообраќајница.

Света Петка
Поглед кон црквата од југ
македонска православна црква
Епархија	Дебарско-кичевска
Архијерејско намесништво	Струшко
Парохија	Прва струшка
Местоположба
Координати	41°10′41″N 20°40′21″E
Место	Струга
Општина	Струга
Држава	Македонија
Општи податоци
Покровител	Света Петка
Изградба	1990 г.
Завршено	1994 г.
Осветување	1994 г.
Архитектонски опис

Историја

На местото на денешната црква уште одамна постоело светилиште на кое Стружани палеле свеќи, се молеле и го одбележувале празникот.

На 21 октомври 1990 година бил поставен камен-темелник, а во 1994 година завршила градбата и била осветена од страна на митрополитот Тимотеј.^[1]

Имот

Црковниот имот зафаќал голема површина и се протегал меѓу Голем и Мал Дрим, па северно од неа сè до заобиколниот пат на Струга. Воедно, и денешната спортска сала се наоѓа на некогашниот црковен имот. До 1946 година, нејзиниот имот бил даван под наем и обработуван од сиромашни струшки семејства.^[1]

Кражба

Црквата била цел на кражба во текот на 2013 година, кога биле украдени бакарни шандани каде верниците палат свеќи и пари од верниците. Во грабежот немало одземени икони.^[2]

Галерија

• 
  Црквата гледана од исток, од другата страна на Црн Дрим, во 2013 година
• 
  Црквата гледана од југозапад во 2013 година
• 
  Црквата гледана од југозапад во 2013 година
• 
  Црквата гледана од запад во 2013 година
• 
  Црквата гледана од југоисток во 2013 година
• 
  Црквата гледана од југоисток во 2022 година
• 
  Црквата гледана од северозапад во 2022 година
• 
  Црквата гледана од исток во 2022 година

Поврзано

• Прва струшка парохија
• Црква „Св. Никола Дримени“