Црква „Св. Илија“ - Јабланица (селска)

Свети Илија — главна селска црква во селото Јабланица.^[1]

За други значења на поимот, погл. Црква „Св. Илија“ - Јабланица.

Свети Илија
Поглед на црквата
македонска православна црква
Епархија	Дебарско-кичевска
Архијерејско намесништво	Струшко
Парохија	Ложанска
Местоположба
Координати	41°19′3.8″N 20°34′34.6″E
Место	Јабланица
Општина	Струга
Држава	Македонија
Општи податоци
Покровител	Пророк Илија
Завршено	1886
Осветување	1996 (преосветена)
Архитектонски опис
Архит. тип	еднокорабна

Во црквата се изведува богослужба за поголемите црковни празници и тука најчесто се изведуваат крштевања и венчавки.^[2]

Местоположба

Фреска на Пророкот Илија во храмот

Црквата е изградена на едно возвишение, чии падини од трите страни стрмно се спуштаат надолу во еден длабок дол, додека од западната страна се поврзуваат со селскиот пат. Поради тоа, црквата е видлива од сите страна, а нејзината монументалност и покрај тоа што не е многу голема е засилена со слободното пространство без високи дрвја што би ја криеле градбата.^[2]

Историја

Според еден натпис што се наоѓа во црквата таа е изградена во 1886 година со доброволна помош на печалбарите. Внатрешноста на црквата е доста скромна со скромен фрескоживопис насликан во поново време и иконостас со плитка резба.^[2]

Црквата е посветена на пророкот Св. Илија кој е заштитник на селото. Била повторно осветена во 1996 година од страна на митрополитот Дебарско-кичевски г. Тимотеј.^[2]

Архитектура

Црквата претставува еднокорабна градба, изградена од делкани камења и претставува своевидно ремек дело на јабланичките мајстори-каменорезци.^[2]

Во кругот на црквата се наоѓаат неколку гробови на свештеници меѓу кои и на војводата Цветан Ѓероски.^[2]

Галерија

• 
  Поглед кон црквата
• 
  Страничен поглед на црквата
• 
  Апсидата на црквата
• 
  Апсидата на црквата
• 
  Поглед на црквата
• 
  Доминирачката позиција на црквата во селото

Поврзано

• Струшко архијерејско намесништво
• Ложанска парохија
• Јабланица