Чизми

Чизми се предмет за облекување, кој служи за заштита на стапалото но и подклолениците од надворешните влијанија. Во суштина тие се вид на чевли, чија основна одлика е поголема длабочина.

Чизми

Историја

Чизми пронајдени во Кина, датираат од околу 220 г.п.н.е

Најраните чизми биле составени од два дела, долниот кој бил споредуван со обичните чевли и горниот направен од некој потопол материјал. Околу 1000 година пред новата ере, овие два дела се составиле и така настанале денешните чизми. Секако развојот на чизмите се долгува на народите кои живееле на крајниот север пред сè на Русите, но и на Скандинавците и други. Во 17 век во Европа чизмите добиле пред сè војнички стил. Во новото време тие стануваат и моден детал па се развиваат чизми со потпетица^[1].

Видови

Чизмите во зависност од намена можат да се прават од најразлични материјали: кожа, волна, платно, гума, синтетички материјали и др. По големина чизмите можат да бидат: надколенки, подколенки и плитки чизми. Исто така постои и поделба според намената, односно на места на кои можат да се користат. Со оглед на конструкцијата и доколку се користат соодветни материјали чизмите можат да бидат и заштитни пред сè во градежништвото, кај пожарникарите и слично.^[2]

Чизмите како мотив во уметноста и во популарната култура

• „Човекот и чизмите“ — кус расказ на ирскиот писател Вилијам Батлер Јејтс.^[3]
• „Моите чизми“ — песна на полскиот поет Тимотеуш Карпович.^[4]
• „Итар Пејо со туѓи чизми на оро“ — расказ на македонскиот писател Стале Попов.^[5]
• „Ракија во чизми“ — краток расказ на Оливера Ќорвезироска од 2021 година.^[6]
• „Шпански чизми“ (англиски: Spanish Boots) — песна на англискиот рок-музичар Џеф Бек (Jeff Beck) од 1969 година.^[7]
• „Самовилите носат чизми“ (англиски: Fairies Wear Boots) — песна на британската хард-рок група Блек сабат (Black Sabbath) од 1970 година.^[8]
• „Чизми од шпанска кожа“ (англиски: Boots Of Spanish Leather) — песна на американскиот рок-музичар Боб Дилан од 1964 година.^[9]
• „Валкани чизми“ (англиски: Dirty Boots) — песна на американската рок-група Соник Јут (Sonic Youth) од 1990 година.^[10]

Галерија

• 
  Женски чизми
• 
  Рибарски чизми
• 
  Војнички чизми
• 
  Каубојски чизми
• 
  Работни чизми