Чука (Тополчани)

Чука — археолошко наоѓалиште во прилепското село Тополчани. Претставува населба од неолитот, како и јами од средниот век.

„Чука“
Местоположба	41°13′28″N 21°25′48″E
Основни податоци
Место	Тополчани
Општина	Прилеп
Тип	населба
Период	неолитско време
	среден век
Портал „Археологија“

На 300 м југозападно од селото, на самата траса на старата железничка пруга Прилеп-Битола има ниска тумба на која во 1958 и 1975 година се извршени ископувања. Откриени се остатоци од населба со множество фрагменти од керамички садови украсувани со барботин, импресо и сликање со бела боја врз црвена основа, која временски и културно му припаѓа на средниот неолит во Пелагонија, односно на Велушко-породинската културна група.

Исто така, веднаш под хумусниот слој биле откриени две јами, едната со пречник од 1,45 м, а другата од 1,80 м, во кои се најдени фрагменти од средновековна керамика.^[1]

Поврзано

• Список на археолошки наоѓалишта во Прилепско