Шарли Ебдо

Шарли Ебдо (француски: Charlie Hebdo, Неделник „Шарли“) — француски неделен сатиричен весник,^[3] во кој се објавуваат карикатури, извештаи, полемики и шеги. Списанието е препознатливо по својот тон со кој не покажуваат никаква почит спрема религијата и строго неконформистички став. Се опишува себеси како силно антирасистичко, антиверско, и левичарско, па така често објавува статии против крајната десница, религијата^[4] (католицизмот, исламот, јудаизмот), политиката, културата итн. Според поранешниот уредник Стефан Шарбонје „Шарб“, уредничката гледна точка на списанието е да ги одразува „сите компоненти на плурализмот на левото крило, па дури и апстинентите“.^[5]

Шарли Ебдо

Лого на неделникот Шарли Ебдо
Тип	сатирично неделно списание
Формат	списание
Уредник	Жерар Бијар
Основан	1970[1]
Политичка определба	левичарско
Престанал	1981
Обновен	1992
Седиште	Париз, Франција
Тираж	45.000[2]
ISSN	1240-0068
Мрежно место	charliehebdo.fr

Списанието било мета на два терористички напади, еден во 2011 и еден во 2015 година, за кои се претпоставува дека се одговор на објавувањето на голем број на контрoверзни карикатури со пророкот Мухамед. За време на вториот напад, 12 лица беа убиени, вклучувајќи го и Шарбонје и неколкумина новинари (карикатуристи).

Напад на редакцијата

Главна статија: Пукање во „Шарли Ебдо“

Нападот на редакцијата на неделникот Шарли Ебдо се случил на 7 јануари 2015 година околу 11:30 часот по средноевропско време, кога двајца маскирани напаѓачи, вооружени со автоматски пушки, упаднале во седиштето на француското сатирично списание „Шарли Ебдо“ во Париз.^[6] Во текот на нападот загинале 12 луѓе, вклучувајќи десет вработени и два припадници на полициските сили, а раниле 11 други луѓе.^[7][8]