Шумска чучурлига

Шумската чучурлига е единствена од семејството на чучурлигите во родот Lullula. Спаѓа во редот на врапчевидните птици.

Шумска чулурлига
Заштитен статус
Незагрозен  (МСЗП 3.1)[1]
Научна класификација
Царство:	Животни
Колено:	Хордати
Класа:	Птици
Ред:	Врапчевидни
Семејство:	Чучурлиги
Род:	Lullula Kaup, 1829
Вид:	L. arborea
Научен назив
Lullula arborea (Linnaeus, 1758)

Lullula arborea

Lullula arborea

Ја има во Македонија.

Распространетост

Шумските чучурлиги се простираат во поголемиот дел на Европа, средниот исток на Азија и планините на северна Африка. Оние што живеат во посеверните и постудени предели се птици преселници. Живее во планински предели, а претпочита борови шуми.

Опис

Должината на телото е околу 15 см, распонот на крилјата 30 см и тежи околу 25 гр. Перјата и се карактеристични за родот - маскирни со кафени, црни и жолти нијанси. И таа, како другите чучурлиги оди по земјата, а не потскокнува. Нема изразен полов диморфизам, односно половите не се разликуваат. За време на парење, лета пеејќи, над 100 м надморска височина.

Гнездење

Гнездото го прават на земја, добро сплетено од суви треви. Несат 4-6 бели, но испркани со кафени, сиви и црни точки, јајца, со големина 21х16 мм. Ги инкубираат 13–15 дена, а потоа младенчињата се развиваат брзо и по околу 14–15 дена го напуштаат гнездото. Родителите ги хранат претежно со инсекти. Годишно може да одгледаат 2 легла.