52 Европа

Европа (ознака за мала планета: 52 Европа) — 6-ти по големина астероид во Астероидниот појас, со пречник од над 300 км, иако не е соодветно масивен. Не е тркалезен, туку е обликуван како елипсоид со приближно 380×330×250 км.^[4] Откриен е на 4 февруари 1858 година од Херман Голдшмит од неговиот балкон во Париз. Името е според Европа, која била граната од страна на Зевс во грчката митологија, име што го дели со месечината на Јупитер, Европа.

52 Европа

Откривање
Откривач	Херман Голдшмит
Откриено	4 февруари 1858
Ознаки
Изговор	/jʊˈroʊpə/[1]
Наречена по	Европа
Други именувања	1948 ЛА
Категорија на астероид	Астероиден појас
Орбитални особености[2]
Епоха July 01, 2021 (јд 2459396.5, хелиоцентричен)
Афел	3.444 ае (510 Gm)
Перихел	2.75 ае (420 Gm)
Голема полуоска	3.095 ае (460 Gm)
Занесеност	0.111
Орбитален период	5.45 г (1989 д)
Средна аномалија	21°
Наклон	7.48°
Должина на искачувачкиот јазол	129°
Аргумент на перихелот	343°
Физички особености
Димензии	c/a = ,67 ± ,04[3] (379±16)×(330±8)×(249±10) km[4]
Среден пречник	319 ± 4 km 315 ± 7 km[4]
Маса	(24 ± 4)⋅1018 kg[3] (22,6 ± 1,6)⋅1018 kg[б 1][5]
Средна густина	1,41 ± ,23 g/cm3[3] 1,5 ± 0,4 g/cm3[4]
Вртежен период	5.63 h[2]
Геометриско албедо	0,057 ± ,007 (0,679 ± 0,017 BV, 0,338 ± 0,028 UB)[2]
Температура	~173 K max: 258K (−15 °C)[6]
Спектрален тип	C/CF[2]
Апсолутна величина (H)	6.48[2]

Физички одлики

3D модел на Европа

Европа е приближно шестиот по големина астероид по волумен. Најверојатно има густина од околу 1,5 g/cm³, типична за астероидите од типот C.^[4] Во 2007 година, Џејмс Баер и Стивен Р. Чесли процениле дека Европа има маса од 1,9 ± 0,4 килограми.^[7] Поновата проценка на Баер сугерира дека има маса од 3,27 ×10¹⁹ kg.^[8]

Европа е многу темен јаглероден астероид од C-тип и е втор по големина од оваа група. Спектроскопските студии пронашле докази за оливини и пироксени на површината, и има одредени индикации дека може да има разлики во составот помеѓу различни региони ^[9] Тој орбитира блиску до семејството на астероиди Хигија, но Европа не е член.

Податоците од светлинската крива за Европа биле особено незгодни за толкување, толку многу што долго време нејзиниот вртежен период бил спорен (од 5 и пол часа до 11 часа), и покрај бројните набљудувања. Денес е утврдено дека Европа е програден ротатор, но точната насока на точките на нејзините полови останува нејасна. Најдеталната анализа покажува наклон или кон околу еклиптичките координати (β, λ) = (70°, 55°) или (40°, 255°) со неизвесност од 10°. Ова дава осен наклон од околу 14° или 54°, соодветно.

Во 1988 година било извршено пребарување за сателити или прашина што кружи околу овој астероид со помош на телескопот UH88 во опсерваторијата Мауна Кеја, но напорите се дале резултат.^[10]

Набљудувања

Откриено е дека познатата катаклизмична променлива ѕвезда CV Aquarii, откриена во 1934 година, всушност била погрешна идентификација на 52 Европа.^[11]

Анимирање на орбитата на 52 Европа 2000-2020
  Сонце  Земја ·   Марс ·   Јупитер ·   52 Европа