Акантоди

Акантодите или понекогаш не сосема правилно нарекувани бодликави ајкули (Acanthodii) образуваат класа на изумрени риби кои имале особини како на `рскавични, така и на коскени риби. Во суштина, телото им било ајкуловидно, но нивниот епидермис бил препокриен со ситни ромбоидни плочички, слично како кај холостеите<sup>[1]</sup>. Тие би можеле да бидат независна филогенетска гранка на риби кои еволуирале од помалку специјализираните форми блиски до денешните `рскавични риби.

Акантоди

Акантоди
Nerepisacanthus, силурски акантод
Научна класификација [ у ]
Царство:	Животни
Тип:	Хордови
клад:	Вистински вилични ’рбетници
Класа:	†Акантоди Овен, 1846
Редови
Acanthodiformes Climatiiformes (paraphyletic) Climatiidae Diplacanthiformes Gyracanthidae Ischnacanthiformes

Особини

Акантодите имале `рскавичен скелет, но нивните перки имале широка, коскена основа и биле засилени од нивната предна маргина со дентинска боцка.

Најраните акантоди биле морски форми, но за време на девонот се појавиле и доминирале слатководни видови. Тие се разликуваат во два погледи: тие биле најраните `рбетници со вилица и имале дебели боцки кои ги потпирале нивните перки, правејќи ги неподвижни (како ајкуловата грбна перка).