Улица „Партизански Одреди“ - Блок VI — некропола од римското време на подрачјето на скопската населба Тафталиџе, Македонија. Во 1969 година, при изградбата на станбени блокови, крај самата улица е откриен дел од помала некропола, која потекнува од II-III век. Освен еден целосно зачуван гроб - тип циста, граден од тули, и една оловна урна, откриени се три саркофази и два надгробни споменика - ципуси со сите архитектонски елементи и украсни шишарки. Спомениците се наоѓаат во Музејот на Град Скопје.