Влајкова Чешма — археолошко наоѓалиште во прилепското село Витолиште. Претставува населба од римското време. Во Моклишки Дол, кој се наоѓа на околу 1 км јужно од селото, и на двете страни од патот за селото Полчиште има остатоци од поголема населба. Присутни се фрагменти од керамички садови, градежен материјал, монети и една мермерна статуа на граѓанин, а во непосредната близина, постаменти и други архитектонски елементи.