Селиште — археолошко наоѓалиште во битолското село Барешани. Претставува населба и некропола од хеленистичко и римско време и од средниот век. Се наоѓа на 1 км западно од селото, на падините на планината Баба, каде се среќаваат остатоци од населба, а по површината има и камени плочи од гробни конструкции. Видливи се темели од средновековна црква која, според кажувањето на жителите, била посветена на „Св. Варвара“. Најдени се и бронзени монети.