From Wikipedia, the free encyclopedia
Архијереј (грчки: ό άρχιερεύς) — највисокото ерархиско ниво во Православната црква.
Тој носи една од следните титули: епископ, митрополит, архиепископ или патријарх.
Епархискиот архијереј во Македонската православна црква е непосреден поглавар на епархијата. Тој е главен претставник и управител на сиот црковно-духовен живот и црковен ред во епархијата. Својата црковно-архијерејска власт ја врши самостојно, а црковните самоуправни задачи во заедница со свештенството и народот.
Епархискиот архијереј има свој заменик кој го заменува во рамките на неговите овластувања.
Епархиските и викарните архијереји ги избира Светиот архијерејски синод под претседателство на архиепископот. Изборот на архиепископ го врши Светиот архијерејски синод кога се присутни две третини од сите епархиски архијереи.
Покрај епархиските архијереи, има и викарни архијереи (викари). Тие се помошни архијереи кои му помагаат на епископот, митрополитот, архиепископот или патријархот во управувањето со епархијата. Тие добиваат почесна титула, обично по историска епископија. Викарните архијереи учествуваат во работата на архијерејскиот собор, обично без право на одлучување.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.