Загрозен вид
From Wikipedia, the free encyclopedia
Загрозен вид е организам кој е во опасност да изумре поради неговата малубројност, или поради заканите што произлегуваат од промената на животната околина и начин на издршка. Меѓународниот сојуз за заштита на природата (МСЗП, IUCN) смета дека дури 40 % од видовите на светот се на некој начин загрозени.
Многу земји имаат закони за заштита и запазување на видовите: забранет лов, ограничувања во стопанските и градежните активности и создавање на природни резервати. Само дел од загрозените видови добиваат заштита во законски рамки, зависно од нивната значајност. Климатските промени исто така играат значајна улога во намалувањето на бројноста и изумирањето на видовите и претставуваат голема грижа за научниците.