куќа во Охрид From Wikipedia, the free encyclopedia
Куќа на Чаулеви — стара куќа во градот Охрид прогласена за значајно културно наследство на Македонија[1] заведена под називот Куќа на ул. „Цар Самоил“ бр. 44.[2]
Куќа на Чаулеви | |
---|---|
Куќата во 2021 година | |
Општи податоци | |
Статус | споменик на културата |
Вид | куќа |
Стил | староградски |
Адреса | ул. „Цар Самоил“ бр. 40 ул. „Цар Самоил“ бр. 44 (стара адреса) |
Град | Охрид |
Земја | Македонија |
Завршена | XVIII век |
Технички податоци | |
Катови | 4 |
Куќата е сместена во стариот дек на градот, на улица „Цар Самоил“ бр. 44. Изградена е во втората половина на XVIII век и се вбројува меѓу малкуте целосно внатрешно и надворешно зачувани охридски староградски куќи од тој период. Била сопственост на Паско Чауле (Рауник).[1] Од почетокот на XXI век служи како гостинска куќа, наречена „Вила Јован“.
Градбата има четири ката. Начинот на изградба е традиционален, својствен на тој период — камено приземје и катови со дрвена бондручна конструкција. Вториот кат е еркерно издаден, потпрен со дрвени косници, исправајќи го неправилниот облик на приземјето и зголемувајќи го животниот простор. Куќата е добар пример за извлекување максимална просторна средина од дадена основа.[1]
Покривот има карактеристични благи падови од дрвена конструкција, со покривка од турски ќерамиди. Фасадата е бела, со својствени дрвени опшивни даски. На прозорците на приземјето има решетки, столаријата е доста сиромашна. Куќата претрпела мошне малку промени — приземјето од чевларска работилница е пренаменето во кујна со трпезарија, со доградено скалиште за горниот кат.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.