Тажево

Тажево — село во Општина Македонски Брод, во областа Порече, во околината на градот Македонски Брод.

Тажево
Тажево Местоположба на Тажево во Македонија Тажево на карта
Координати 41°43′18″N 21°14′57″E
Општина	Македонски Брод
Население	2 жит. (поп. 2021)[1]
Шифра на КО	03045
Тажево на општинската карта Атарот на Тажево во рамките на општината
Тажево на Ризницата

Географија и местоположба

Историја

Жителите на село Тажево биле населени од друго село, Попои Куќи, кое денес не постои. Тоа село постојано било напаѓано и ограбувано од Турците, па така еден ден група Турци почнале да го оргабуваат и им ја зеле цела стока, па месното население останало без ништо и било принудено да се пресели на друго место. Името на селото го добило по тоа што луѓето кога бегале од Попои Куќи и се населувале на друго место, многу тажеле, па од самите жители го нарекле – Тажево. (Според Марко Цепенков)

Вкупно 4 жители на оваа населба се заведени како жртви во Втората светска војна.^[2]

Стопанство

Население

Население во минатото

Година Нас. ±% 1948 233 —     1953 258 +10.7% 1961 248 −3.9% 1971 218 −12.1% 1981 87 −60.1%	Година Нас. ±% 1991 23 −73.6% 1994 24 +4.3% 2002 7 −70.8% 2021 2 −71.4%

Според податоците на Васил К’нчов („Македонија. Етнографија и статистика“) од 1900 година, во селото Тажево имало 215 жители, сите Македонци.^[3] По податоците на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Тажео имало 200 Македонци патријаршисти.^[4]

На Етнографската карта на Битолскиот Вилает од 1901 г. Тажио (Тожево) се води како чисто македонско село во Кичевската каза на Битолскиот санџак со 20 куќи.^[5]

Според германска карта издадена во 1941 година, а заснована на пописот на Кралство Југославија во 1931 година, селото имало 200 Македонци.^[6]

Според пописот од 2002 година, во селото живееле само 7 жители, сите Македонци.^[7]

Според последниот попис од 2021 година, во селото живееле 2 жители, сите Македонци.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	215	200	233	258	248	218	87	23	24	7	2

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Родови

Тажево е чисто македонско православно село. По преданието селото најпрво се наоѓало покрај реката Треска, на местото Попови куќи. Но, поради чума селото целосно опустело. Имало, кажуваат толку многу мртви, што луѓето не можеле да ги погребаат, него кучињата ги јаделе. Во селото останале брат и сестра, братот отишол со стоката, а сестрата отишла во Црква. Но, по пат ја нападнале кучиња и бегајќи скршила нога, поради што останала саката. Потоа, некој Петре Дебранец, овчар, дошол во селото да чува овци. Братот му ја дава сестрата и тој се жени со неа. Но, бидејќи не можеле убаво да се согласуваат, зетот и сестрата одат и го основаат селото Брезница, а братот останува во Тажево. Од братот води потекло цело село.

Родови во Тажево се: Костевци-Пауновци (7 к.); Димовци (2 к.); Петковци (1 к.); Јандријовци (3 к.); Стојовци (6 к.) и Вељановци (1 к.).

Културни и природни знаменитости

• Црква „Св. Илија“ - Тажево

Археолошки наоѓалишта^[12][13]

• Градиште — градиште од средниот век;
• Брчка — населба и некропола од римско време;
• Селиште — населба и црква од средниот век;

Општествени установи

Самоуправа и политика

Избирачко место

Во селото постои избирачко место бр. 0269 според Државната изборна комисија, кое е сместено во приватна просторија.^[14]

На локалните избори во 2017 година, на ова избирачко место бил запишан вкупно 1 гласач.^[15] На претседателските избори во 2019 година, на ова избирачко место бил запишан вкупно 1 гласач.^[16]

Редовни настани

Личности

Личности родени во Тажево:

• Ѓорѓија Ристески (1921 - 1944) — загинат во НОБ.^[17]
• Ефремија Наумоски (1919 - 1944) — загинат во НОБ.^[17]
• Живко Силјаноски — политичар од редовите на СДСМ

Култура и спорт

Иселеништво

Наводи

1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
2. „Попис на жртвите од војната 1941-1945, СР Македонија“ (PDF).
3. Васил Кънчов. „Македония. Етнография и статистика“. София, 1900, стр.258.
4. D.M.Brancoff. "La Macédoine et sa Population Chrétienne". Paris, 1905, р.156-157.
5. Михајловски, Роберт, уред. (2017). Етнографска карта на Битолскиот вилает (PDF). Каламус. стр. 36.
6. „200K Volkstumskarte Jugoslawien“.
7. Попис на населението, домаќинствата и становите во Република Македонија, 2002 - Книга X
8. К’нчов, Васил. „Македонија. Етнографија и статистика“. Софија, 1900
9. Brancoff, D.M. „La Macédoine et sa Population Chrétienne“. Paris, 1905.
10. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
11. „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
12. Коцо, Димче (1996). Археолошка карта на Република Македонија. II. Скопје: Македонска академиjа на науките и уметностите. ISBN 9989649286.
13. Евидентирани Археолошки наоѓалишта во и околу ПНП Јасен
14. „Описи на ИМ“. Архивирано од изворникот на 2023-08-17. Посетено на 16 октомври 2017.
15. „Локални избори 2017“. Архивирано од изворникот на 2020-05-29. Посетено на 16 октомври 2017.
16. „Претседателски избори 2019“. Архивирано од изворникот на 5 мај 2019. Посетено на 5 мај 2019.
17. . Крајчески, Цуте (2017). Порече (1943 - 1945). Скопје: Државен Архив на Република Македонија. Отсутно или празно |title= (help)CS1-одржување: друго (link)

Надворешни врски

• Тажево на Ризницата