![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/19/Hemoglobin.jpg/640px-Hemoglobin.jpg&w=640&q=50)
Хемоглобин
From Wikipedia, the free encyclopedia
Хемоглобинот е респираторниот пигмент на ‘рбетниците. Од него потекнува црвената боја на еритроцитите, а со тоа и на крвта. Тој претставува сложена белковина кој се состои од белковинска компонента глобин и простетична група хем. Скратено се обележува со Hb. Молекулската маса на хемоглобинот изнесува 67.000. Белковинската компонента е составена од четири полипептидни ланци, и тоа два α и два β. Секој од нив содржи по една простетична група (хем), така што во молекулата на хемоглобинот има исто така и четири хема.
![Thumb image](http://upload.wikimedia.org/wikipedia/commons/thumb/1/19/Hemoglobin.jpg/320px-Hemoglobin.jpg)
![Thumb image](http://upload.wikimedia.org/wikipedia/commons/thumb/b/be/Heme_b.svg/320px-Heme_b.svg.png)
Железото во хемоглобинот се наоѓа во облик на двовалентен јон Fe++. Со една координативна врска, железото во секој хем е поврзано со глобинот преку аминокиселината хистидин. Покрај тоа, и две карбоксилни групи од пропионската киселина на хемот се сврзани за глобинот.