അനബീന
From Wikipedia, the free encyclopedia
പ്ലാങ്ക്ടണായി നിലനിൽക്കുന്ന ഫിലമെന്റസ് സയനോബാക്ടീരിയയുടെ ഒരു ജനുസ്സാണ് അനബീന . നൈട്രജൻ ഫിക്സേഷൻ ചെയ്യാനും അസോള പോലുള്ള ചില സസ്യങ്ങളുമായി സഹജീവനത്തിൽ ഏർപ്പെടാനും അവയ്ക്ക് കഴിവുണ്ട്. പ്രാദേശിക വന്യജീവികൾക്കും കൃഷിയാവശ്യത്തിനായി ഉപയോഗിക്കുന്ന മൃഗങ്ങൾക്കും വളർത്തുമൃഗങ്ങൾക്കും ഹാനികരമായ ന്യൂറോടോക്സിൻ ഉത്പാദിപ്പിക്കുന്ന സയനോബാക്ടീരിയയുടെ നാല് ഇനങ്ങളിൽ ഒന്നാണ് ഇവ. ഈ ന്യൂറോടോക്സിൻ ഉൽപാദനം അതിന് സഹജീവനത്തിൽ ഏർപ്പെടാനുള്ള സഹജമായ ഒരു ഗുണവിശേഷമായാണ് കണക്കാക്കപ്പെടുന്നത്. കാരണം ഈ ന്യൂറോടോക്സിനാണ് ചെടിയെ ഗ്രേസിംഗ് പ്രെഷറിൽ നിന്നും സംരക്ഷിക്കുന്നത്.