ആംപ്ലിക്സസ്
From Wikipedia, the free encyclopedia
ശരീരത്തിനു പുറത്തുവച്ച് ബീജസങ്കലനം നടത്തുന്ന ചില തവളകളും (ഞണ്ടുകളും) ഇണചേരുന്ന അവസരത്തിൽ ആൺതവളകൾ പെൺതവളകളുടെ പിൻഭാഗത്തു മുറുക്കെ കെട്ടിപ്പിടിക്കുന്നതിനെയാണ് ലാറ്റിൻ ഭാഷയിൽ ആലിംഗനം ചെയ്യുക എന്ന് അർത്ഥമുള്ള ആംപ്ലിക്സസ് (Amplexus) എന്ന പദം കൊണ്ട് വിവക്ഷിക്കുന്നത്. ചിലപ്പോൾ ആ സമയത്തു തന്നെയോ മറ്റു ചിലപ്പോൾ കുറച്ചുസമയത്തിനുശേഷമോ പെൺതവളകളുടെ ശരീരത്തിൽ നിന്നും പുറത്തുവരുന്ന് അണ്ഡവുമായി ബീജസങ്കലനം നടക്കുന്നു. ഉഭയജീവികളിൽ പെണ്ണുങ്ങളുടെ തലയിലോ അരയിലോ കക്ഷത്തിലോ ആണ് കെട്ടിപ്പിടിക്കുന്നത്. ഈ രീതി ജീവശാസ്ത്രനാമകരണത്തിൽപ്പോലും വിവിധസ്പീഷിസുകളെ വേർതിരിക്കാൻ ഉപയോഗിക്കുന്നുണ്ട്. മറ്റു ബാഹ്യബീജസങ്കലനരീതികളിൽ നിന്നും വ്യത്യസ്തമായി ആംപ്ലിക്സസിൽ ആണും പെണ്ണും തമ്മിൽ ശരീരം കൂട്ടിമുട്ടുന്നുണ്ട്. broadcast spawning എന്ന രീതിയിൽ ശരീരം തമ്മിൽ മുട്ടാതെതന്നെ അണ്ഡവും ബീജവും നേരേ വെള്ളത്തിലേക്കു നിക്ഷേപിക്കാറേ ഉള്ളൂ.