ഇംജാ ഷോ
നേപ്പാളിലെ തടാകം / From Wikipedia, the free encyclopedia
നേപ്പാളിലെ എവറസ്റ്റ് കൊടുമുടിക്ക് 10 കിലോമീറ്റർ തെക്കായി സ്ഥിതിചെയ്യുന്ന ഒരു മഞ്ഞ് തടാകമാണ് ഇംജാ ഷോ അഥവാ ഇംജാ തടാകം (നേപ്പാളി : इम्जा हिमताल).[3] സമുദ്രനിരപ്പിൽ നിന്ന് 5010 മീറ്റർ ഉയരത്തിൽ സ്ഥിതിചെയ്യുന്ന ഈ തടാകം നേപ്പാളിലെ ഏറ്റവും വേഗത്തിലൊഴുകുന്ന ഹിമ തടാകം കൂടിയാണ്.[4] ഹിമാലയത്തിലെ ഇംജാ ഹിമാനിയിൽ നിന്നാണ് തടാകം ഉത്ഭവിക്കുന്നത്.
ഇംജാ ഷോ | |
---|---|
സ്ഥാനം | നേപ്പാൾ |
നിർദ്ദേശാങ്കങ്ങൾ | 27.898°N 86.928°E / 27.898; 86.928 |
Type | ഹിമ തടാകം |
പ്രാഥമിക അന്തർപ്രവാഹം | ഇംജാ ഹിമാനി |
Primary outflows | ഗംഗ |
Catchment area | അജ്ഞാതം |
Basin countries | നേപ്പാൾ |
പരമാവധി നീളം | 2,000 m (6,600 ft)[1] |
പരമാവധി വീതി | 650 m (2,130 ft)[1] |
ഉപരിതല വിസ്തീർണ്ണം | 1.3 km2 (0.50 sq mi)[1] |
ശരാശരി ആഴം | 41.6 m (136 ft)[1] |
പരമാവധി ആഴം | 90.5 m (297 ft)[1] |
Water volume | 0.0358 km3 (0.0086 cu mi)[1] |
ഉപരിതല ഉയരം | 5,004 m (16,417 ft) [1] |
അവലംബം | [1][2] |
1950-കളിൽ രൂപപ്പെട്ടുവെന്ന്[2] കരുതുന്ന ഈ തടാകത്തെ 1962-ലെ ഉപഗ്രഹ ചിത്രങ്ങളുടെ സഹായത്തോടെയാണ് തിരിച്ചറിഞ്ഞത്. അന്ന് 0.03 ചതുരശ്ര കിലോമീറ്റർ വിസ്തൃതിയുണ്ടായിരുന്ന തടാകത്തിന് 2000-ആം ആണ്ട് ആയപ്പോഴേക്കും 0.8 ചതുരശ്ര കിലോമീറ്റർ വിസ്തൃതിയായി. 2009 നവംബർ 21-ന് ഗൂഗിൾ എർത്ത് പുറത്തുവിട്ട ഭൂപടത്തിൽ തടാകത്തിന് 1.055 ചതുരശ്ര കിലോമീറ്റർ വിസ്തൃതിയുള്ളതായി കണ്ടെത്തി. കാലാവസ്ഥാവ്യതിയാനവും ആഗോളതാപനവും മൂലം ഹിമാനികൾ ഉരുകുന്നതിനാൽ തടാകത്തിലെ ജലനിരപ്പ് ക്രമാതീതമായി ഉയരുന്നുവെന്നാണ് പഠനങ്ങൾ സൂചിപ്പിക്കുന്നത്. 2015-ലെ നേപ്പാൾ ഭൂകമ്പം തടാകത്തെ കൂടുതൽ അസ്ഥിരമാക്കിയെന്നും കരുതുന്നു.[5]
ജലനിരപ്പ് അനിയന്ത്രിതമായി വർദ്ധിക്കുന്നത് പ്രളയത്തിനു കാരണമാകുമെന്നും താഴ്വാരത്തിലെ അരലക്ഷത്തോളം പേരുടെ ജീവൻ അപകടത്തിലാക്കുമെന്നും തിരിച്ചറിഞ്ഞതോടെ[2] 2016 ഏപ്രിലിൽ നേപ്പാൾ ഭരണകൂടം തടാകത്തെ വറ്റിച്ചുകളയുവാനുള്ള പ്രവർത്തനങ്ങൾ ആരംഭിച്ചു.[6] ആറുമാസം കൊണ്ട് 40 ലക്ഷം ഘന മീറ്റർ ജലം വറ്റിച്ചുകളയുവാനും തടാകത്തിന്റെ ആഴം മൂന്നര മീറ്ററോളം കുറയ്ക്കുവാനും സാധിച്ചു.[7] മൂന്നു വർഷം കൊണ്ട് തടാകത്തെ വറ്റിക്കുവാനാണ് പദ്ധതി തയ്യാറാക്കുയിരിക്കുന്നത്.[8]