ഏണസ്റ്റ് അബീ
From Wikipedia, the free encyclopedia
ഒരു ജർമൻ ഭൗതികശാസ്ത്രജനായിരുന്നു ഏണസ്റ്റ് അബീ. പ്രകാശത്തിന്റെ താത്ത്വികവും പ്രായോഗികവുമായ വശങ്ങളിൽ പല ഗവേഷണങ്ങളും നടത്തിയിട്ടുള്ള ഇദ്ദേഹമാണ് അബീ അപവർത്തനമാപി[1] (Abbe Refractometer) കണ്ടുപിടിച്ചത്. സൂക്ഷ്മദർശിനികളുടെ പഠനമാണ് ഇദ്ദേഹത്തിന്റെ പ്രധാനരംഗം. വളരെക്കാലം യേനാ[2] (Jena) സർവകലാശാലയിൽ അധ്യാപകനായി ഇദ്ദേഹം സേവനം അനുഷ്ഠിച്ചിട്ടുണ്ട്. ജ്യോതിഃശാസ്ത്ര കാലാവസ്ഥാ നിരീക്ഷണാലയത്തിന്റെ തലവനായും പ്രവർത്തിച്ചു.
ഏണസ്റ്റ് അബീ | |
---|---|
![]() | |
ജനനം | (1840-01-23)ജനുവരി 23, 1840 Eisenach, Saxe-Weimar-Eisenach |
മരണം | ജനുവരി 14, 1905(1905-01-14) (പ്രായം 64) Jena, German Empire |
ദേശീയത | ജർമ്മൻ |
കലാലയം | University of Göttingen University of Jena |
അറിയപ്പെടുന്നത് | Abbe refractometer Abbe number |
ശാസ്ത്രീയ ജീവിതം | |
പ്രവർത്തനതലം | Physicist |
സ്ഥാപനങ്ങൾ | യൂണിവേഴ്സിറ്റി ഓഫ് ജേന |
ഡോക്ടർ ബിരുദ ഉപദേശകൻ | Wilhelm Eduard Weber Karl Snell |
ഡോക്ടറൽ വിദ്യാർത്ഥികൾ | Heinrich Friedrich Weber |
1840 ജനുവരി 23-ന് തൂരിങ്കിയയിലെ ഐസനാക് എന്ന സ്ഥലത്താണ് അബീ ജനിച്ചത്. ഗോട്ടിംഗനിലും യേനായിലുമായിരുന്നു വിദ്യാഭ്യാസം. 1863-ൽ ഇൻസ്ട്രക്റ്റർ ആയും പിന്നീട് 1870-ൽ പ്രൊഫസർ ആയും യേനായിൽ സേവനം അനുഷ്ഠിച്ചു. 1878-ൽ ഇദ്ദേഹം നിരീക്ഷണാലയത്തിന്റെ ഡയറക്ടർ ആയി. കാൾ സെയ്സ് എന്ന വ്യവസായിയുടെ പ്രകാശികോപകരണങ്ങളുടെ നിർമ്മാണശാലയുമായി 1866-ൽതന്നെ ഇദ്ദേഹം ബന്ധപ്പെട്ടിരുന്നു. 1870-ൽ ആ സ്ഥാപനത്തിലെ പങ്കാളിയായി. ഇദ്ദേഹത്തിന്റെ ഗവേഷണപാടവം കമ്പനിക്കു വളരെ ഉപകരിച്ചു. സെയ്സും ഓട്ടോസ്കോട്ടും ചേർന്ന് സാങ്കേതികകാചങ്ങൾ നിർമ്മിക്കുന്ന ഒരു കമ്പനി 1884-ൽ സ്ഥാപിച്ചു. 1888-ൽ സെയ്സിന്റെ കാലശേഷം കമ്പനിയുടെ മുഴുവൻ ഉടമയായി. 1903-05 കാലഘട്ടത്തിൽ ഇദ്ദേഹം തന്റെ ഗവേഷണോപന്യാസങ്ങളുടെ ഒരു സമാഹാരം പ്രസിദ്ധീകരിച്ചു. 1905 ജനുവരി. 14-ന് ഇദ്ദേഹം അന്തരിച്ചു.