കുളത്തൂപ്പുഴ
കൊല്ലം ജില്ലയിലെ ഒരു ഗ്രാമം From Wikipedia, the free encyclopedia
കൊല്ലം ജില്ലയിലെ ഒരു ഗ്രാമം From Wikipedia, the free encyclopedia
കേരളത്തിലെ കൊല്ലം ജില്ലയുടെ കിഴക്കുഭാഗത്ത് തിരുവനന്തപുരം - ചെങ്കോട്ട റോഡിൽ തെൻമല റയിൽവേ സ്റ്റേഷനിൽ നിന്നും 10 കി.മീ മാറി സ്ഥിതിചെയ്യുന്ന ചെറു പട്ടണമാണ് കുളത്തൂപ്പുഴ. കല്ലടയാറിന്റെ തീരത്ത് സഹ്യപർവ്വതത്താൽ ചുറ്റപ്പെട്ടുകിടക്കുന്ന മലയോര ഗ്രാമമാണ് കുളത്തൂപ്പുഴ. കൊല്ലം ജില്ലയിലെ ഏറ്റവും വലിയ ഗ്രാമപഞ്ചായത്തായ കുളത്തൂപ്പുഴയ്ക്ക് വിസ്തൃതിയുടെ കാര്യത്തിൽ സംസ്ഥാനത്ത് എട്ടാം സ്ഥാനമാണ് ഉള്ളത്.
കുളത്തൂപ്പുഴ | |
---|---|
Village | |
കുളത്തൂപ്പുഴ ശാസ്താ ക്ഷേത്രം | |
Coordinates: 8.9082295°N 77.055501°E | |
Country | India |
State | Kerala |
District | Kollam |
• ആകെ | 424.06 ച.കി.മീ.(163.73 ച മൈ) |
(2011)[1] | |
• ആകെ | 34,721 |
• ജനസാന്ദ്രത | 82/ച.കി.മീ.(210/ച മൈ) |
• Official | Malayalam, English |
സമയമേഖല | UTC+5:30 (IST) |
PIN | 691310 |
വാഹന റെജിസ്ട്രേഷൻ | KL-25 |
Nearest city | Punalur |
Literacy | 86.62% |
പ്രശസ്തനായ സംഗീത സംവിധായകൻ രവീന്ദ്രൻമാഷിന്റെ (കുളത്തൂപ്പുഴ രവി) ജന്മസ്ഥലമാണ് കുളത്തൂപ്പുഴ. അതുപോലെ ലോകത്തിലെ ഏറ്റവും വലിയ പെന്തെക്കോസ്ത് സഭയായ അസംബ്ലീസ് ഓഫ് ഗോഡ് സഭയുടെ (AG) കേരള സംസ്ഥാന സൂപ്രണ്ട് പാസ്റ്റർ ടി.ജെ. സാമുവലും, ടി സഭയുടെ ദക്ഷിണേന്ത്യൻ മിഷൻസ് (South India Assemblies of God Missions) ഡയറക്ടർ പാസ്റ്റർ റോയ്സൺ ജോണിയും ഈ പ്രദേശത്തു നിന്നുള്ളവരാണ്. ഇലപൊഴിയും കാടുകൾ മുതൽ വന്യജീവിസങ്കേതങ്ങൾ വരെയുള്ള ഇവിടെ സർക്കാർ നേതൃത്വത്തിലുള്ള പശുവളർത്തൽ ഫാം പ്രവർത്തിക്കുന്നു. ലോകത്തിൽ തന്നെ അപൂർവ്വമായ ശെങ്കുറിഞ്ഞി എന്ന വൃക്ഷം കുുളത്തൂപ്പുഴയിലെ ശെന്തുരുണി വന്യജീവിസങ്കേതത്തിൽ സ്ഥിതി ചെയ്യുന്നു. ഇന്ത്യയിൽ ആദ്യമായി ഭരണഘടനാ സാക്ഷരത നേടിയ ഗ്രാമപഞ്ചായത്തായി ഗവർണർ ആരിഫ് മുഹമ്മദ് ഖാൻ പ്രഖ്യാപിച്ച പഞ്ചായത്ത് ആണ് കുളത്തൂപ്പുഴ. ജില്ലയിൽ ഏറ്റവും കൂടുതൽ ആദിവാസി കോളനികളുള്ള കുളത്തൂപ്പുഴയുടെ കിഴക്കൻ മേഖലയിലെ പെരുവഴിക്കാല, കുളമ്പി, വട്ടക്കരിക്കം, രണ്ടാംമൈൽ, വില്ലുമല തുടങ്ങിയ കോളനികളിലാണ് കാണിക്കാർ വിഭാഗത്തിലുള്ള ആദിവാസികൾ താമസിക്കുന്നത്. ബ്രിട്ടീഷ് നിർമ്മിതമായ നെടുവന്നൂർക്കടവ് മുത്തശിപ്പാലം, പുരാതനമായ കട്ടിളപ്പാറ, ബ്രിട്ടീഷ് കാലം മുതലുള്ള റോക്ക് വുഡ് എസ്റ്റേറ്റും തേയിലതോട്ടങ്ങളും, വൈവിദ്യമാർന്ന നിബിഡ വനങ്ങളും കുളത്തൂപ്പുഴയുടെ പ്രത്യേകളാണ്.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.