കേരള സർക്കാർ തദ്ദേശ സ്വയംഭരണ വകുപ്പ്
കേരള സർക്കാരിൻ്റെ ഒരു വകുപ്പ് / From Wikipedia, the free encyclopedia
കേരളത്തിലെ ഗ്രാമപഞ്ചായത്തുകൾ, ബ്ലോക്ക് പഞ്ചായത്തുകൾ, ജില്ലാ പഞ്ചായത്തുകൾ, മുനിസിപ്പാലിറ്റികൾ, കോർപ്പറേഷനുകൾ തുടങ്ങീ പ്രാദേശിക ഭരണകൂടങ്ങളുടെ നയപരമായ കാര്യങ്ങൾ നോക്കുന്ന സംസ്ഥാന സർക്കാരിൻ്റെ വകുപ്പാണ് തദ്ദേശ സ്വയംഭരണ വകുപ്പ്[1]. 941 ഗ്രാമപഞ്ചായത്തുകൾ, 152 ബ്ലോക്ക് പഞ്ചായത്തുകൾ, 14 ജില്ലാ പഞ്ചായത്തുകൾ, 87 മുനിസിപ്പാലിറ്റികൾ, 6 കോർപ്പറേഷനുകൾ എന്നിവയാണ് കേരളത്തിൽ നിലവിലുള്ളത്. ഭരണഘടനയുടെ 73-ഉം 74-ഉം ഭേദഗതികൾ മൂലം, ത്രിതല സമ്പ്രദായം ഇന്ത്യയിൽ നിലവിൽ വന്നു. വികസന പരിപാടികൾ നടപ്പിലാക്കുന്നതിനായി തദ്ദേശ സ്വയംഭരണ സ്ഥാപനങ്ങൾ ഫലപ്രദമായ ഏജൻസികളായി ഉയർന്നിരിക്കുന്നു. പഞ്ചായത്ത് വകുപ്പ്, നഗരകാര്യ വകുപ്പ്, ഗ്രാമ വികസന വകുപ്പ്, നഗര ഗ്രാമാസൂത്രണ വകുപ്പ് എന്നിവ തദ്ദേശ സ്വയംഭരണ വകുപ്പിൻ്റെ പ്രധാന അനുബന്ധ വകുപ്പുകളാണ്. കേരളത്തിലെ തദ്ദേശ സ്വയംഭരണ സ്ഥാപനം എന്നത് ഈ വിഭാഗങ്ങൾ എല്ലാം ഉൾപ്പെടുന്നതാണ്. വകുപ്പിന് ഒരു ഗവൺമെന്റ് സെക്രട്ടറിയാണ് നേതൃത്വം നൽകുന്നത്. മന്ത്രിമാർ ചേർന്നാണ് വകുപ്പിന്റെ പ്രവർത്തനങ്ങൾ ഏകോപിപ്പിക്കുന്നത്. എന്നാൽ ഈ മൂന്നു വിഭാഗങ്ങളുടേയും ഏകോപനം ആവശ്യമായി വരുന്ന സന്ദർഭങ്ങളിൽ ഉചിതമായ തീരുമാനം എടുക്കുന്നത് ഈ മന്ത്രിമാരോടൊപ്പം മുഖ്യമന്ത്രി ഉൾപ്പെടുന്ന ഒരു സമിതിയാണ്. നിലവിൽ തദ്ദേശ സ്വയംഭരണ വകുപ്പ് മന്ത്രിയാണ് വകുപ്പിനെ നയിക്കുന്നത്, അദ്ദേഹത്തെ ഭരണത്തിൽ സഹായിക്കുന്നതിനും സര്ക്കാര് നയങ്ങളും തീരുമാനങ്ങളും നടപ്പിലാക്കുന്നതിനും വേണ്ടി മുതിർന്ന ഐഎഎസ് ഉദ്യോഗസ്ഥനായ ഒരു പ്രിൻസിപ്പൽ സെക്രട്ടറിയെയും നിയമിച്ചിട്ടുണ്ട്.
ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
കേരള സർക്കാർ തദ്ദേശ സ്വയംഭരണ വകുപ്പ് Local-Self Government Department | |
വകുപ്പ് അവലോകനം | |
---|---|
ആസ്ഥാനം | സെക്രട്ടേറിയേറ്റ്, തിരുവനന്തപുരം |
ഉത്തരവാദപ്പെട്ട മന്ത്രി | എം.ബി. രാജേഷ്, തദ്ദേശ സ്വയംഭരണവും എക്സൈസും മന്ത്രി |
മേധാവി/തലവൻമാർ | ശാരദ മുരളീധരൻ ഐ.എ.എസ്., അഡീഷണൽ ചീഫ് സെക്രട്ടറി ഷർമിള മേരി ജോസഫ് ഐ.എ.എസ്., പ്രിൻസിപ്പൽ സെക്രട്ടറി |
കീഴ് ഏജൻസികൾ | പഞ്ചായത്ത് വകുപ്പ് നഗരകാര്യ വകുപ്പ് ഗ്രാമ വികസന വകുപ്പ് നഗര ഗ്രാമാസൂത്രണ വകുപ്പ് എഞ്ചിനീയറിംഗ് വിഭാഗം |
വെബ്സൈറ്റ് | |
https://lsgkerala.gov.in |