![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4d/Maharaja_Gulab_Singh_of_Jammu_and_Kashmir.jpg/640px-Maharaja_Gulab_Singh_of_Jammu_and_Kashmir.jpg&w=640&q=50)
ഗുലാബ് സിങ്
ജമ്മു കശ്മീർ നാട്ടുരാജ്യത്തിന്റെ ആദ്യത്തെ രാജാവ് / From Wikipedia, the free encyclopedia
ജമ്മു കശ്മീർ നാട്ടുരാജ്യത്തിന്റെ സ്ഥാപകനും ആദ്യത്തെ മഹാരാജാവുമായിരുന്നു ഗുലാബ് സിങ് എന്ന ഗുലാബ് സിങ് ഡോഗ്ര. പഞ്ചാബിലെ രഞ്ജിത് സിങ്ങിന്റെ സഭാംഗമായിരുന്ന ഇദ്ദേഹം, രഞ്ജിത്തിന്റെ മേൽക്കോയ്മയിൽ ജമ്മുവിന്റെ ഭരണാധികാരിയായിരുന്നു. ഗുലാബ് സിങ്ങിന്റെ സഹോദരന്മാരായ സുചേത് സിങ്, ധിയാൻ സിങ് എന്നിവരും, ധിയാൻ സിങ്ങിന്റെ പുത്രനായ ഹീരാ സിങ്ങും രഞ്ജിത് സിങ്ങിന്റെ സഭാംഗങ്ങളായിരുന്നു. രഞ്ജിത് സിങ്ങിന്റെ മരണശേഷം ജമ്മുവിൽ ഗുലാബ് സിങ് സ്വതന്ത്രഭരണം ആരംഭിച്ചു. ഒന്നാം ആംഗ്ലോ അഫ്ഗാൻ യുദ്ധത്തിൽ ബ്രിട്ടീഷുകാരെ സഹായിച്ചതിലൂടെ അവരുമായി മികച്ച ബന്ധം പുലർത്താൻ ഗുലാബ് സിങ്ങിനായി. ജമ്മു ഫോക്സ് എന്നാണ് ഇദ്ദേഹം ബ്രിട്ടീഷുകാർക്കിടയിൽ അറിയപ്പെട്ടിരുന്നത്.[1] ഒന്നാം ആംഗ്ലോ-സിഖ് യുദ്ധത്തിൽ പഞ്ചാബികൾ ബ്രിട്ടീഷുകാർക്ക് അടിയറവച്ച കശ്മീരടക്കമുള്ള മലമ്പ്രദേശങ്ങൾ ബ്രീട്ടീഷുകാർ ഗുലാബ് സിങ്ങിന് വിട്ടുനൽകി. അങ്ങനെ ഗുലാബ് സിങ് ജമ്മുവിന്റെയും കശ്മീരിന്റെയും മഹാരാജാവായി.
![Thumb image](http://upload.wikimedia.org/wikipedia/commons/thumb/9/94/Gulab_Singh_of_Jammu_and_Kashmir.jpg/640px-Gulab_Singh_of_Jammu_and_Kashmir.jpg)
ഗുലാബ് സിങ് ഡോഗ്ര | |
---|---|
![]() | |
ഭരണകാലം | 1846-1857 |
മുൻഗാമി | ജീത് സിംഗ് ജമ്മുവിലെ രാജാവ് |
പിൻഗാമി | രൺബീർ സിങ് |
മക്കൾ | |
രൺബീർ സിങ് | |
രാജവംശം | ജംവാൽ |
പിതാവ് | കിഷോർ സിങ് |
മതം | ഹിന്ദു |