ഗോൾഡിലോക്കും മൂന്നു കരടികളും
From Wikipedia, the free encyclopedia
ഗോൾഡിലോക്കും മൂന്നു കരടികളും (Goldilocks and the Three Bears), മൂന്നു കരടികളുടെ കഥ എന്നിവ 19-ആം നൂറ്റാണ്ടിൽ ഇംഗ്ലണ്ടിൽ പ്രചരിച്ചുതുടങ്ങിയ ഒരേ കെട്ടുകഥയുടെ വിവിധ ഭാഷ്യങ്ങളാണ്. ഇംഗ്ലീഷ് ഭാഷയിലെ ഏറ്റവും പ്രസിദ്ധമായ കെട്ടുകഥകളിൽ ഒന്നാണ് ഇത്.[1] [2]
"ഗോൾഡിലോക്കും മൂന്നു കരടികളും " | |
---|---|
കഥാകൃത്ത് | റോബർട്ട് സൗത്തി Robert Southey |
രാജ്യം | യുണൈറ്റഡ് കിങ്ഡം |
സാഹിത്യരൂപം | കെട്ടുകഥ ( Fairy tale) |
പ്രസിദ്ധീകരിച്ചത് | ദി ഡോക്ടർ |
പ്രസിദ്ധീകരണ തരം | ഉപന്യാസങ്ങളുടെയും കഥകളുടെയും സമാഹാരം |
പ്രസാധകർ | ലോങ്ങ്മാൻ, റീസ്. |
മാധ്യമ-തരം | പ്രിന്റ് |
പ്രസിദ്ധീകരിച്ച തിയ്യതി | 1837 |
മിസ് എലീനർ മുറെയുടെ 1831'ൽ തൻറെ മരുമകന് സമ്മാനിച്ച ഒരു 'ദി സെലെബ്രറ്റഡ് നഴ്സറി ടെയിൽ ഓഫ് ദി ത്രീ ബേർസ്' എന്ന കൈയെഴുത്തുപ്രതിയിലാണ് ഇത് ആദ്യമായി എഴുത്തുരൂപത്തിൽ കണ്ടിട്ടുള്ളത്.[1] റോബർട്ട് സൗത്തിയുടെ 1837'ലെ 'ദി ഡോക്ടർ' എന്ന പുസ്തകത്തിൽ ആണ് പ്രിന്റ് രൂപത്തിൽ ഇത് ആദ്യം പ്രസിദ്ധീകൃതം ആയത്.[3]
ഇതിന്റെ പല വകഭേദങ്ങൾ ഉണ്ടെങ്കിലും ഏറ്റവും പ്രസിദ്ധമായത് മൂന്നു കരടികൾ താമസിയ്ക്കുന്ന വീട്ടിലേയ്ക്ക് ഒരു അത്രയ്ക്ക് സുഖമുള്ള പെരുമാറ്റമില്ലാത്ത ഒരു വൃദ്ധ കടന്നു കയറുന്നതും കരടികൾ തയ്യാറാക്കി വെച്ചിരുന്ന പോറിഡ്ജ് (ഓട്മീൽ കഞ്ഞി) എടുത്തുകുടിയ്ക്കുന്നതുമാണ്. അതിനുശേഷം അവരുടെ കിടക്കയിൽ കിടന്നുറങ്ങുന്ന വൃദ്ധ ഉണർന്നുനോക്കുമ്പോൾ കരടികളെ മുറിയിൽ കാണുകയും അവർ ജനലിലൂടെ പുറത്തു ചാടി പോകുകയും ചെയ്യുന്നു. മറ്റൊരു പ്രസിദ്ധ ഭാഷ്യത്തിൽ വൃദ്ധയ്ക്ക് പകരം ഒരു പെൺകുട്ടിയാണ്(ഗോൾഡിലോക്സ്). ഇനിയും വേറൊരു ഭാഷ്യത്തിൽ മൂന്നു കരടികൾ എന്നത് അച്ഛനും അമ്മയും കുട്ടിക്കരടിയും ആണ്.