ജി.ഐ.എം.പി.എസ്
From Wikipedia, the free encyclopedia
1996 ജനുവരിയിൽ ജോർജ്ജ് വാൾട്ട്മാൻ (George Woltman)സ്ഥാപിച്ച ഒരു ഇന്റർനെറ്റ് കൂട്ടായ്മയാണ് ഗ്രേറ്റ് ഇന്റർനെറ്റ് മെഴ്സെൻ പ്രൈം സേർച്ച് (The Great Internet Mersenne Prime Search-GIMPS)അഥവാ ജി.ഐ.എം.പി.എസ്. മെഴ്സൻ അഭാജ്യസംഖ്യകളെ കണ്ടെത്തുന്നതിനായാണ് ഈ കൂട്ടായ്മ സ്ഥാപിക്കപ്പെട്ടത്.[1]
ഗവേഷണ ആവശ്യങ്ങൾക്കായി ഇൻറർനെറ്റിലൂടെ വിതരണം ചെയ്യുന്ന ആദ്യത്തെ വലിയ തോതിലുള്ള കമ്പ്യൂട്ടിംഗ് പ്രോജക്ടുകളിൽ ഒന്നാണ് ഇത് എന്ന് പറയപ്പെടുന്നു.[2]
ജി.ഐ.എം.പി.എസ് പ്രൈം 95 എന്ന് പേരുനൽകിയിട്ടുള്ള സ്വതന്ത്ര സോഫ്റ്റ്വെയർ ഉപയോഗിച്ചാണ് ഇത്തരം അഭാജ്യസംഖ്യ കളെ കണ്ടെത്തുന്നതിനുള്ള ഗവേഷണങ്ങൾ നടക്കുന്നത്. ആയിരക്കണക്കിന് ഗണിതജ്ഞരാണ് ഈ ഉദ്യമത്തിൽ പങ്കാളികളായിട്ടുള്ളത്. ഡസൻ കണക്കിന് വിദഗ്ധരുടെയും ആയിരക്കണക്കിന് സന്നദ്ധ സേവകരുടെയും പ്രവർത്തന ഫലമായി ഈ സംഘടനയ്ക്ക് കുറേ മെഴ്സെൻ അഭാജ്യസംഖ്യകളെ കണ്ടെത്താൻ കഴിഞ്ഞു.[3]