ജെന്നിഫർ ജോൺസ്
അമേരിക്കൻ ചലചിത്ര നടൻ / From Wikipedia, the free encyclopedia
ജെന്നിഫർ ജോൺസ് (ജനനം: ഫൈലിസ് ലീ ഐലി; മാർച്ച് 2, 1919 – ഡിസംബർ17, 2009) ജെന്നിഫർ ജോൺസ് സൈമൺ എന്നും അറിയപ്പെടുന്ന ഹോളിവുഡ് സിനിമയുടെ സുവർണ്ണകാലഘട്ടത്തിൽ അഭിനയിച്ചിരുന്ന അമേരിക്കൻ അഭിനേത്രിയായിരുന്നു. 1943-ൽ ദ സോങ് ഓഫ് ബെർണാഡെറ്റെ എന്ന ചലച്ചിത്രത്തിലെ അഭിനയത്തിന് ഏറ്റവും നല്ല നടിക്കുള്ള അക്കാദമി അവാർഡ് ലഭിച്ചിരുന്നു. മറ്റു നാലു സിനിമകളിൽക്കൂടി അക്കാദമി അവാർഡിനുള്ള നാമനിർദ്ദേശം ചെയ്യപ്പെട്ടിരുന്നു. മൂന്നു പ്രാവശ്യം വിവാഹിതയായിരുന്നു. ഇതിൽ കൂടുതൽ ശ്രദ്ധിക്കപ്പെട്ടിരുന്ന ചലച്ചിത്ര നിർമ്മാതാവായിരുന്ന ഡേവിഡ് ഒ സെൽസ്നിക് രണ്ടാമത്തെ ഭർത്താവായിരുന്നു. മികച്ച നടിക്കുള്ള ഗോൾഡൻ ഗ്ലോബ് അവാർഡും ലഭിച്ചിട്ടുണ്ട്.
ജെന്നിഫർ ജോൺസ് | |
---|---|
in Love Is a Many-Splendored Thing (1955) | |
ജനനം | Phylis Lee Isley[1] (1919-03-02)മാർച്ച് 2, 1919 ടുൾസ, ഒക്ലാഹോമ, യു.എസ്. |
മരണം | ഡിസംബർ 17, 2009(2009-12-17) (പ്രായം 90) മാലിബു, കാലിഫോർണിയ, യു.എസ്. |
കലാലയം | Northwestern University American Academy of Dramatic Arts |
തൊഴിൽ | നടി, ഗായിക |
സജീവ കാലം | 1939–1974 |
ജീവിതപങ്കാളി(കൾ) | റോബർട്ട് വാക്കർ (m. 1939–45; divorced) ഡേവിഡ് ഒ, സെൽസ്നിക് (m. 1949–65; his death) നോർട്ടൻ സൈമൺ (m. 1971–1993; his death) |
കുട്ടികൾ | 3, including Robert Walker Jr. |
30 വർഷത്തെ ചലച്ചിത്ര ജീവിതത്തിനിടയിൽ 20 പ്രധാന കഥാപാത്രങ്ങളെ അഭിനയിച്ചിരുന്നു.1965-ൽ സെൽസ്നിക്ന്റെ മരണത്തെ തുടർന്ന് ചലച്ചിത്ര രംഗത്ത് നിന്ന് ഭാഗികമായി വിടവാങ്ങിയിരുന്നു. ജെന്നിഫറിന്റെ മകൾ ആത്മഹത്യ ചെയ്തതിനെ തുടർന്ന് നാലു വർഷങ്ങൾക്കുശേഷം 1980-ൽ ജെന്നിഫർ ജോൺസ് സൈമൺ ഫൗണ്ടേഷൻ ഫോർ മെന്റൽ ഹെൽത്ത് ആന്റ് എഡ്യൂക്കേഷൻ സ്ഥാപിച്ചു. ശേഷിച്ച ജീവിതത്തിൽ ചലച്ചിത്ര രംഗത്ത് നിന്ന് പൂർണ്ണമായും വിടവാങ്ങി സ്വന്തം മകനോടൊപ്പം കാലിഫോർണിയയിലെ മാലിബുവിൽ സ്വസ്ഥജീവിതം നയിച്ചിരുന്നു.