ജോഡി വിറ്റേക്കർ
ബ്രിട്ടനിലെ ചലച്ചിത്ര അഭിനേത്രി / From Wikipedia, the free encyclopedia
ജോഡി ഓക്ക്ലാൻഡ് വിറ്റേക്കർ (ജനനം: 17 ജൂൺ 1982) ഒരു ഇംഗ്ലീഷ് നടിയാണ്. 2006 ൽ പുറത്തിറങ്ങിയ വീനസ് എന്ന അരങ്ങേറ്റചലച്ചിത്രത്തിൽ ചെയ്ത വേഷത്തോടെയാണ് അവർ ശ്രദ്ധിക്കപ്പെട്ടത്. ഇതിന് ബ്രിട്ടീഷ് ഇൻഡിപെൻഡന്റ് ഫിലിം അവാർഡും സാറ്റലൈറ്റ് അവാർഡ് നോമിനേഷനുകളും ലഭിച്ചു. കൾട്ട് സയൻസ് ഫിക്ഷൻ ചിത്രമായ അറ്റാക്ക് ദി ബ്ലോക്ക് (2011), ബ്ലാക്ക് മിറർ എപ്പിസോഡ് "ദി എൻറ്റയർ ഹിസ്റ്ററി ഓഫ് യു" (2011), ഐടിവി ടെലിവിഷൻ പരമ്പരയായ ബ്രോഡ്ചർച്ചിലെ (2013-2017) ബെത്ത് ലാറ്റിമർ എന്ന അമ്മയുടെ എന്നിവ പ്രശംസ പിടിച്ചുപറ്റി.
ഡോക്ടർ ഹു എന്ന പ്രസിദ്ധ ബ്രിട്ടീഷ് ടിവി പരമ്പരയിൽ വിറ്റേക്കർ മുഖ്യകഥാപാത്രമായ ഡോക്ടറുടെ വേഷം അവതരിപ്പിക്കുമെന്ന് 2017 ജൂലൈ 16 ന് ബിബിസി പ്രഖ്യാപിച്ചു. പരമ്പരയിൽ ഡോക്ടറുടെ വേഷം അവതരിപ്പിക്കുന്ന പതിമൂന്നാമത്തെ വ്യക്തിയും, കൂടാതെ സ്ത്രീവേഷത്തിൽ ഡോക്ടർ പ്രത്യക്ഷപ്പെടുന്ന ആദ്യ അവസരവുമാണ് ഇത്. 2017 ലെ ക്രിസ്മസ് സ്പെഷ്യൽ എപ്പിസോഡായ "ട്വയിസ് അപ്പോൺ എ ടൈം" എന്ന എപ്പിസോഡിൽ മുൻപ് വേഷം കൈകാര്യം ചെയ്തിരുന്ന പീറ്റർ കപാൽഡിയിൽ നിന്ന് അവർ കഥാപാത്രം ഔദ്യോഗികമായി ഏറ്റെടുത്തു. 2018 ഒക്ടോബറിൽ പ്രദർശിപ്പിച്ച പതിനൊന്നാമത്തെ സീരീസിൽ ഡോക്ടറായി വിറ്റേക്കർ പരമ്പരയിൽ ഉടനീളം പ്രത്യക്ഷപ്പെടുന്നു. 2020 ൽ സംപ്രേഷണം ചെയ്യാനിരിക്കുന്ന പന്ത്രണ്ടാം സീരീസിലും വിറ്റേക്കർ തൻ്റെ വേഷം തുടരും.[1][2]