ജർമ്മനിയുടെ ദേശീയഗാനം
From Wikipedia, the free encyclopedia
ഡൊയിട്ട്ശ്ലാൻഡ്-ലീഡ് (Deutschlandlied) (ജർമ്മൻ) (അർത്ഥം- ജർമ്മനിയുടെ ഗാനം) അഥവാ ഡാസ് ലീഡ് ഡെർ ഡൊയിട്ട്ശ്ലാൻഡ് (ജർമ്മൻകാരുടെ ഗാനം) എന്ന ഗാനത്തിന്റെ ഒരു ഭാഗം 1922 മുതൽ ജർമ്മനിയുടെ ദേശീയഗാനമാണ്. കിഴക്കൻ ജർമ്മനിയിൽ, ദേശീയ ഗാനം 1949 നും 1990 നും ഇടയിൽ "ഔഫെർശ്റ്റാൻഡെൻ ഔസ് റുയിനെൻ" (അർത്ഥം-"അവശിഷ്ടങ്ങളിൽ നിന്ന് ഉയിർത്തെഴുന്നേൽപ്പ്") ആയിരുന്നു.
ജെർമനി Nationalഗാനം | |
പുറമേ അറിയപ്പെടുന്നത് | "Das Lied der Deutschen" |
---|---|
വരികൾ (രചയിതാവ്) | ഓഗസ്റ്റ് ഹൈൻറിഹ് ഹോഫ്മാൻ വോൺ ഫാളേഴ്ശ്ലീബെൻ, 1841 |
സംഗീതം | യോസഫ് ഹൈയ്ഡൻ, 1797 |
സ്വീകരിച്ചത് | 1922–1945; 1952-ിൽ ഒന്നുംകൂടെ |
Music sample | |
രണ്ടാം ലോകമഹായുദ്ധത്തിനും നാസി ജർമ്മനിയുടെ പതനത്തിനും ശേഷം ഗാനത്തിലെ മൂന്നാമത്തെ ശ്ലോകം മാത്രമാണ് ദേശീയഗാനമായി ഉപയോഗിക്കുന്നത്. ജർമ്മനിയിലെ അനൌദ്യോഗിക ദേശീയ മുദ്രാവാക്യമായി[1] കണക്കാക്കപ്പെടുന്ന "ഐനിഗ്കൈറ്റ് ഉൻഡ് റെഹ്റ്റ് ഉൻഡ് ഫ്രൈഹൈറ്റ്" (അർത്ഥം-"ഐക്യവും നീതിയും സ്വാതന്ത്ര്യവും") ഈ ഗാനത്തിലെ മൂന്നാമത്തെ ശ്ലോകത്തിന്റെ ആദ്യവരിയെയാണ്.
ഗാനത്തിന്റെ രാഗമായ "ഗോട്ട് എർഹാൾട്ട് ഫ്രാൻസ് ഡെൻ കൈസർ", 1797-ിൽ ഓസ്ട്രിയൻ സംഗീതസംവിധായകൻ ജോസഫ് ഹെയ്ഡൻ വിശുദ്ധ റോമാസാമ്രാജ്യത്തിന്റെ ചക്രവർത്തിയായിരുന്ന ഫ്രാൻസിസ് രണ്ടാമന്റെ ജന്മദിനത്തിൽ അദ്ദേഹത്തിനു വേണ്ടി രചിച്ചതാണ്.