താപമോചക പ്രവർത്തനം
ഊർജ്ജം പുറത്തുവിടുന്ന രാസപ്രവർത്തനം / From Wikipedia, the free encyclopedia
താപഗതികത്തിൽ താപമോചക പ്രവർത്തനം എന്നത് ഒരു വ്യവസ്ഥയിൽ നിന്നും ഊർജ്ജം പുറത്തുവിടുന്ന പ്രവർത്തനമോ അല്ലെങ്കിൽ പ്രതിപ്രവർത്തനമോ ആണ്. സാധാരണയായി ഇത് താപത്തിന്റെ രൂപത്തിലാണ്. എന്നാൽ അതുകൂടാതെ പ്രകാശം (ഉദാഹരണം: തീപ്പൊരി, ജ്വാല, മിന്നൽ) , വൈദ്യുതി (ഉദാഹരണം: ബാറ്ററി), ശബ്ദം (ഉദാഹരണം:ഹൈഡ്രജൻ കത്തുമ്പോളുണ്ടാകുന്ന സ്പോടനം) എന്നീ രൂപത്തിലുമുണ്ട്. ഈ പേരിന്റെ ഉൽഭവം ഗ്രീക്ക് പൂർവ്വപ്രത്യയമായ έξω (exō എക്സോ അർത്ഥം ബാഹ്യപ്രകടനം), ഗ്രീക്ക് വാക്കായ θερμικός (thermikόs തെർമിക്കോസ് അർത്ഥം താപം) എന്നിവയിൽ നിന്നാണ്.[1] ഈ പദം ആദ്യമായി കണ്ടെത്തിയത് മാർസെലിൻ ബെർതെലോ ആണ്. താപമോചകപ്രവർത്തനത്തിന്റെ വിപരീതമായ താപശോഷക പ്രവർത്തനം താപത്തിന്റെ രൂപത്തിൽ ഊർജ്ജം ആഗിരണം ചെയ്യുന്നു.
ഈ സങ്കൽപ്പം രാസപ്രവർത്തനങ്ങൾക്ക് പലപ്പോഴും ഭൗതികശാസ്ത്രങ്ങളിൽ ഉപയോഗിക്കുന്നുണ്ട്. ഇവിടെ രാസബന്ധനഊർജ്ജം താപോർജ്ജമായി (താപം) മാറുന്നു.