നവദ്വാരങ്ങൾ
From Wikipedia, the free encyclopedia
ആയുർവേദ ശാസ്ത്രമനുസരിച്ച് ശരീരത്തിൽ നിന്നും പുറത്തേക്കു തുറക്കുന്ന ഒൻപതുസുഷിരങ്ങളെ നവദ്വാരങ്ങൾ എന്നു പറയുന്നു. നാലു ഭാഗങ്ങളും അടച്ചുസൂക്ഷിച്ചിട്ടുള്ള ഒരു പട്ടണത്തോടാണ് (പുരം/പുരി) മനുഷ്യശരീരത്തെ പൗരാണികദാർശനികർ ഉപമിച്ചിട്ടുള്ളത്. ശരീരം എന്ന പദത്തിന് പുരി എന്നുകൂടി പര്യായം ഉണ്ട്. ഒൻപതു വാതിലുകളാണീ പട്ടണത്തിനുള്ളത്. ശരീരത്തിലെ ഒൻപതു സുഷിരങ്ങൾക്കു തുല്യമാണിവ. ഭഗവദ്ഗീതയിൽ [1] ഇപ്രകാരം പറയുന്നു. - നവ ദ്വാരേ പുരേ ദേഹി നൈവ കുർവൻ ന കാരയാൻ.