നോബൽ സമ്മാന ജേതാക്കളായ സ്ത്രീകളുടെ പട്ടിക
From Wikipedia, the free encyclopedia
ഭൗതികശാസ്ത്രം, രസതന്ത്രം, വൈദ്യശാസ്ത്രം, സാഹിത്യം, സമാധാനപ്രവർത്തനങ്ങൾ, സാമ്പത്തികശാസ്ത്രം എന്നീ മേഖലകളിൽ മഹത്തായ സംഭാവനകൾക്ക് നൽകുന്ന പുരസ്കാരമാണ് നോബൽ സമ്മാനം. 1901 മുതൽ 2019 വരെ 866 പുരുഷന്മാർക്കും, 53 സ്ത്രീകൾക്കും , 24 സംഘടനകൾക്കും നോബൽ സമ്മാനം ലഭിച്ചു. രണ്ടു തവണ പുരസ്കാരം ലഭിച്ചിട്ടുള്ള ഏക വനിതയാണ് മേരി ക്യൂറി.ഏറ്റവും ആദ്യം നൊബേൽ വിജേതാവായ സ്ത്രീയും മേരി ക്യൂറിയാണ്
വനിതാ നൊബേൽ സമ്മാനജേതാക്കളെ താഴെ കാണുന്ന രീതിയിൽ തരംതിരിക്കാം:
- 17 വനിതകൾ സമാധാനത്തിനുള്ള നൊബേൽ സമ്മാനം നേടി (107 വ്യക്തികളുടെയും 28 സംഘടനകളുടെയും 12.6%)
- 16 വനിതകൾ സാഹിത്യത്തിനുള്ള നൊബേൽ സമ്മാനം നേടി (117 ജേതാക്കളുടെ 13.7%)
- 12 വനിതകൾ വൈദ്യശാസ്ത്രത്തിനോ ശരീരശാസ്ത്രത്തിനോ ആയിട്ടുള്ള നൊബേൽ സമ്മാനം നേടി (222 ജേതാക്കളുടെ 5.4%)
- 7 വനിതകൾ രസതന്ത്രത്തിനുള്ള നൊബേൽ സമ്മാനം നേടി (186 ജേതാക്കളുടെ 3.8%)
- 4 വനിതകൾ ഭൗതികശാസ്ത്രത്തിൽ നൊബേൽ സമ്മാനം നേടി (216 ജേതാക്കളുടെ 1.9%)
- 2 വനിതകൾ സാമ്പത്തികശാസ്ത്രത്തിലും നൊബേൽ സമ്മാനം നേടി (84 ജേതാക്കളുടെ 2.4%)
ഏറ്റവും കൂടുതൽ വനിതകൾ ഒരുമിച്ചു നൊബേൽ ജേതാക്കളായ വർഷമാണ് 2009. അക്കൊല്ലം നാല് വിഭാഗങ്ങളിലായി 5 വനിതകൾ സമ്മാനാർഹരാകുകയുണ്ടായി.