ഫ്ലാഗ്സ്റ്റാഫ്
From Wikipedia, the free encyclopedia
ഫ്ലാഗ്സ്റ്റാഫ്, അമേരിക്കൻ ഐക്യനാടുകളുടെ തെക്കു പടിഞ്ഞാറൻ മേഖലയിൽ, വടക്കൻ അരിസോണയിലെ കൊക്കോനിനോ കൌണ്ടിയിലുൾപ്പെട്ട ഒരു നഗരമാണ്.[6] 2015 ൽ കണക്കു കൂട്ടിയതുപ്രകാരം ഈ നഗരത്തിലെ ജനസംഖ്യ 70,320 ആയിരുന്നു.[7] ഫ്ലാഗ്സ്റ്റാഫ് കംബൈൻഡ് മെട്രോപോളിറ്റൻ പ്രദേശത്തെ മൊത്തം ജനസംഖ്യ 139,097 ആണ്. 1876 ജൂലൈ 4 ന് അമേരിക്കൻ ഐക്യനാടുകളിലെ നൂറാം വാർഷികാഘോഷവേളയിൽ “സെക്കൻറ് ബോസ്റ്റൺ പാർട്ടി” എന്നറിയപ്പെട്ട സ്കൗട്ട് സംഘം സ്ഥാപിച്ച ഒരു പൈൻ പതാകയുടെ പേരാണ് ഈ നഗരത്തിന് നൽകിയിരിക്കുന്നത്.[8] അമേരിക്കൻ ഐക്യനാടുകളിലെ ബൃഹത്തായ പോണ്ടെറോസ പൈൻ മരക്കാടുകളുടെ പടിഞ്ഞാറൻ ഭാഗത്തിനു സമാന്തരമായി കൊളറാഡോ പീഠഭൂമിയുടെ തെക്കുപടിഞ്ഞാറൻ വരമ്പിനു സമീപത്താണ് ഫ്ലാഗ്സ്റ്റാഫ് നഗരം സ്ഥിതിചെയ്യുന്നത്.[9] അരിസോണ സംസ്ഥാനത്തെ ഏറ്റവും ഉയരം കൂടിയ പർവതനിരയായ സാൻ ഫ്രാൻസിസ്കോ കൊടുമുടികളുടെ തൊട്ടു തെക്കുഭാഗത്തായി മൗണ്ട് എൽഡനു പാർശ്വസ്ഥമായാണ് ഫ്ലാഗ്സ്റ്റാഫ് സ്ഥിതി ചെയ്യുന്നത്. 12,633 അടി (3,851 മീറ്റർ) ഉയരമുള്ളതും അരിസോണയിലെ ഏറ്റവും ഉയർന്ന ഭാഗവുമായ ഹംഫ്രീസ് കൊടുമുടി ഫ്ലാഗ്സ്റ്റാഫിന് ഏകദേശം 10 മൈൽ (16 കിലോമീറ്റർ) വടക്കായി കച്ചിന പീക്ക്സ് വന്യതയിലാണ് നിലനിൽക്കുന്നത്. ഫ്ലാഗ്സ്റ്റാഫ് നഗരത്തിൻറെ ആദ്യകാല സമ്പദ് വ്യവസ്ഥ മര ഉരുപ്പടികൾ, റെയിൽറോഡ്, മേച്ചിൽപ്പുറ വ്യവസായങ്ങൾ എന്നിവയെ അടിസ്ഥാനമാക്കിയായിരുന്നു. ഇന്ന്, നെസിൽ പുരിന പെറ്റ്കെയർ പോലുള്ള കമ്പനികളുടെ ഒരു പ്രധാന വിതരണ കേന്ദ്രമായും ലോവെൽ ഒബ്സർവേറ്ററി, ദി യുഎസ് നേവൽ ഒബ്സെർവേറ്ററി, യു.എസ്. ജിയോളജിക്കൽ സർവേ ഫ്ലാഗ്സ്റ്റാഫ് സ്റ്റേഷൻ, വടക്കൻ അരിസോണ യൂണിവേഴ്സിറ്റി എന്നിവയുടെ കേന്ദ്രസ്ഥാനമായും നിലനിൽക്കുന്നു.
ഫ്ലാഗ്സ്റ്റാഫ്, അരിസോണ | ||
---|---|---|
City of Flagstaff | ||
Downtown Flagstaff in 2000 | ||
| ||
Nickname(s): City of Seven Wonders, Dark Sky City | ||
Motto(s): "Service at a Higher Elevation" | ||
Location of Flagstaff in Coconino County, Arizona. | ||
U.S. Census | ||
Coordinates: 35°11′57″N 111°37′52″W | ||
Country | United States of America | |
State | Arizona | |
County | Coconino | |
Settled | 1876 | |
Incorporated | 1928 | |
• ഭരണസമിതി | Flagstaff City Council | |
• Mayor | Coral Evans(I[1]) | |
• City | 64.74 ച മൈ (167.67 ച.കി.മീ.) | |
• ഭൂമി | 64.70 ച മൈ (167.58 ച.കി.മീ.) | |
• ജലം | 0.04 ച മൈ (0.09 ച.കി.മീ.) | |
ഉയരം | 6,910 അടി (2,106 മീ) | |
• City | 65,870 | |
• കണക്ക് ({{{pop_est_as_of}}})[5] | 71,459 | |
• ജനസാന്ദ്രത | 1,104.45/ച മൈ (426.43/ച.കി.മീ.) | |
• മെട്രോപ്രദേശം | 139,097 (US: 291st) | |
Demonym(s) | Flagstonian or Flagstaffian | |
സമയമേഖല | UTC-7 (MST) | |
• Summer (DST) | UTC−7 (no DST/PDT) | |
ZIP codes | 86001-86005-86004, 86011 | |
ഏരിയ കോഡ് | 928 | |
FIPS code | 04-23620 | |
GNIS ID(s) | 28749, 29046 | |
Major airport | Flagstaff Pulliam Airport | |
വെബ്സൈറ്റ് | flagstaff |
ഗ്രാൻഡ് കാന്യൺ ദേശീയോദ്യാനം, ഓക്ക് ക്രീക്ക് കാന്യൺ, അരിസോണ സ്നോബോൾ, മെറ്റിയോർ ഗർത്തം, ചരിത്രപാത റൂട്ട് 66 എന്നിവയുമായുള്ള സാമീപ്യത്താൽ ഫ്ലാഗ്സ്റ്റാഫ് നഗരത്തിൽ ശക്തമായ ഒരു ടൂറിസം മേഖല വികാസം പ്രാപിച്ചിട്ടുണ്ട്. ഡബ്യൂ.എൽ. ഗോറെ & അസോസിയേറ്റ്സ് ഈ നഗരം കേന്ദമാക്കി പ്രവർത്തനമാരംഭിച്ചതോടെ മെഡിക്കൽ ഉപകരണങ്ങളുടെ നിർമ്മാണകേന്ദ്രമെന്ന നിലയിലും ഫ്ലാഗ്സ്റ്റാഫ് അറിയപ്പെടുന്നു.