മിനാമി ആൽപ്സ് ദേശീയോദ്യാനം
From Wikipedia, the free encyclopedia
ജപ്പാനിലെ ചൂബു മേഖലയിൽ അകൈഷി പർവ്വതപ്രദേശത്തായി സ്ഥിതിചെയ്യുന്ന ഒരു ദേശീയോദ്യാനമാണ് മിനാമി ആൽപ്സ് ദേശീയോദ്യാനം (ഇംഗ്ലീഷ്: Minami Alps National Park; ജാപ്പനീസ്: 南アルプス国立公園, Minami Arupusu Kokuritsu Kōen?). 1964 ജൂൺ ഒന്നിനാണ് ഈ ദേശീയോദ്യാനം സ്ഥാപിതമായത്. ജപ്പാനിലെ ഷിസ്സുഒക്ക, യാമാനാഷി, നഗാനൊ പ്രവിശ്യകളിലായി ഇത് വ്യാപിച്ച്കിടക്കുന്നു. ദേശീയോദ്യാന പ്രദേശത്തിന് ഏകദേശം 55 kilometres (34 mi) നീളവും, ഏറ്റവും കൂടുതലായി 18 kilometres (11 mi) വീതിയുമുണ്ട്. 358 square kilometres (138 sq mi)ആണ് ആകെ വിസ്തൃതി.
മിനാമി ആൽപ്സ് ദേശീയോദ്യാനം | |
---|---|
南アルプス国立公園 | |
ഐ.യു.സി.എൻ. ഗണം II (ദേശീയോദ്യാനം) | |
Location | മധ്യഹോൻഷു, ജപ്പാൻ |
Coordinates | 35°45′08″N 137°40′23″E |
Area | 357.52 km² |
Established | ജൂൺ1, 1964 |
Governing body | പരിസ്ഥിതി മന്ത്രാലയം (ജപ്പാൻ) |
നിരവധി മലകൾ നിറഞ്ഞ പ്രദേശത്താണ് പാർക്ക് സ്ഥിതിചെയ്യുന്നത്. അക്കൈഷി പർവ്വതം ഇവിടത്തെ ഒരു പ്രശസ്തമായ ഒന്നാണ്. 3000ലധികം ഉയരമുള്ള നിരവ്ധി കൊടുമുടികളും ഇവിടെയുണ്ട്. കോമ-ഗ-താകെ, സെൻജോ-ഗ-താകെ, അകൈഷി-ദാകെ, കീത-ദാകെ എന്നിവ അതിൽ ചിലതാണ്. ഫുജി, ഒയി, തെൻറ്യു എന്നീ നദികളും ഈ ദേശീയോദ്യാനത്തിലൂടെ ഒഴുകുന്നു.
ജാപ്പനീസ് ബീച്ച്, ജാപ്പനീസ് സ്റ്റോൺ പൈൻ, ഹെമ്ലോക്ക് സ്പ്രൂസ് എന്നിവ ഈ പ്രദേശത്ത് കാണപ്പെടുന്ന ചില പ്രധാന വൃക്ഷങ്ങളാണ്. കാമൊഷിക എന്നയിനം കാട്ടാടും താർമിഗൻ എന്ന ഒരു പക്ഷിക്കും പ്രശസ്തമാണ് ഈ ദേശീയോദ്യാനം.[1][2]