From Wikipedia, the free encyclopedia
അഫ്ഗാനിസ്താനിലെ ഒരു പരമ്പരാഗത ഇസ്ലാമിക പ്രതിരോധകക്ഷിയായ ഹർക്കത്ത് ഇ ഇങ്കിലാബ്-ഇ ഇസ്ലാമി-യി അഫ്ഗാനിസ്താന്റെ (ഇസ്ലാമിക് റെവല്യൂഷണറി മൂവ്മെന്റ് ഓഫ് അഫ്ഗാനിസ്താൻ) നേതാവാണ് മൗലവി മുഹമ്മദ് നബി മുഹമ്മദി (Maulvi Muhammad Nabi Muhammadi).[1] കമ്മ്യൂണിസ്റ്റുകൾക്ക് ശേഷം അഫ്ഗാനിസ്താനിൽ അധികാരത്തിലെത്തിയ മുജാഹിദീനുകളുടെ ഇടക്കാല സർക്കാരിൽ 1992 മുതൽ 1996 വരെ ഇദ്ദേഹം വൈസ് പ്രസിഡണ്ടായിരുന്നു.[2]
Mawlawi Muhammad Nabi Muhammadi مولوي محمد نبي محمدي | |
---|---|
ജനനം | 1920 Shah Mazar, Logar Province, Afghanistan |
മരണം | ഏപ്രിൽ 21, 2002 81–82) | (പ്രായം
അടക്കം ചെയ്തത് | Baraki Barak, Logar Province |
ജോലിക്കാലം | 1965–2002 |
Commands held | Harakat-i-Inqilab-i-Islami |
യുദ്ധങ്ങൾ | Soviet–Afghan War |
1980-കളുടെ ആരംഭത്തിൽ സോവിയറ്റ് സൈന്യവുമായുള്ള യുദ്ധത്തിന്റെ തുടക്കം മൗലവി മുഹമ്മദ് നബി മുഹമ്മദിയുടെ കക്ഷിയായിരുന്നു പ്രതിരോധകക്ഷികളുടെ കൂട്ടത്തിൽ ഏറ്റവും പ്രധാനപ്പെട്ടത്. പഷ്തൂൺ വംശജരായ മതനേതാക്കളുടേയും മദ്രസ വിദ്യാർത്ഥികളുടേയ്യും പിന്തുണ ഈ കക്ഷിക്കുണ്ടായിരുന്നു. പാകിസ്താൻ അതിർത്തിയിലെ പഷ്തൂൺ വംശജരുടെ പിന്തുണയും ഇതിനു ലഭിച്ചിരുന്നു.
1921-ൽ കാബൂളിന് തെക്കുള്ള ലോഗറിലാണ് നബി മുഹമ്മദി ജനിച്ചത്. വിവിധ മതപഠനശാലകളിൽ വിദ്യാഭ്യാസം പൂർത്തിയാക്കിയ ഇദ്ദേഹം 1965-ൽ പാർലമെന്റിലേക്ക് തിരഞ്ഞെടുക്കപ്പെട്ടു. രാജ്യത്തെ കമ്മ്യൂണിസ്റ്റ് സ്വാധീനത്തിന് എന്നും എതിരായി ഇദ്ദേഹംനിലകൊണ്ടു. 1978-ൽ സോർ വിപ്ലവത്തിലൂടെ നൂർ മുഹമ്മദ് താരക്കിയുടെ നേതൃത്വത്തിൽ കമ്മ്യൂണിസ്റ്റുകൾ ഭരണത്തിലെത്തിയതോടെ നബി മുഹമ്മദി, പാകിസ്താനിലേക്ക് കടന്നു.
ഇദ്ദേഹത്തിന്റെ കീഴിൽ രൂപമെടുത്ത ഹർക്കത്-ഇ ഇങ്ക്വിലാബ്-ഇ ഇസ്ലാമി-യി അഫ്ഗാനിസ്താൻ എന്ന പ്രതിരോധകക്ഷി, അയഞ്ഞ രൂപഘടനയുള്ളതും കൂടുതലും യാഥാസ്ഥിതിക ഇസ്ലാമികവാദികൾ അടങ്ങിയതുമായിരുന്നു. സോവിയറ്റ് സൈന്യവുമായുള്ള യുദ്ധത്തിന്റെ തുടക്കം നബി മുഹമ്മദിയുടെ കക്ഷി വളരെ പ്രാധാന്യമുള്ള ഒന്നായിരുന്നു.[1] താലിബാന്റെ നേതാവായ മുല്ല മുഹമ്മദ് ഒമർ ഈ കക്ഷിയിൽ പ്രവർത്തിച്ചിരുന്നു.[3] എന്നാൽ കുറച്ചുവർഷങ്ങൾക്കകം മുഹമ്മദിയുടെ കക്ഷിയുടെ പ്രാധാന്യം കുറഞ്ഞു. 1980-കളോടെ സോവിയറ്റ് മാർക്സിസ്റ്റ് ഭരനത്തിനെതിരെയുള്ള പോരാട്ടത്തിൽ മുഖ്യ പങ്കുവഹിച്ചത്, ഗുൾബുദ്ദീൻ ഹെക്മത്യാറിന്റേയും ബുർഹനുദ്ദീൻ റബ്ബാനിയുടേയും നേതൃത്വത്തിലുള്ള കക്ഷികളായിരുന്നു.[1]
2002 ഏപ്രിൽ 22-ന് പാകിസ്റ്റാനിൽ വച്ച് ക്ഷയരോഗം മൂലം മൗലവി മുഹമ്മദ് നബി മുഹമ്മദി മരണമടഞ്ഞു.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.