റോമൻ ഹോളിഡേ
From Wikipedia, the free encyclopedia
വില്യം വൈലർ സംവിധാനം ചെയ്ത് നിർമ്മിച്ച 1953 ലെ അമേരിക്കൻ റൊമാന്റിക് കോമഡി ചിത്രമാണ് റോമൻ ഹോളിഡേ. റോമാ നഗരം സന്ദർശിക്കുന്ന രാജകുമാരിയായി ഓഡ്രി ഹെപ്ബേണും റിപ്പോർട്ടറായി ഗ്രിഗറി പെക്കും അഭിനയിക്കുന്നു. ഈ ചിത്രത്തിലെ മികച്ച അഭിനയമാണു് അക്കൊല്ലത്തെ മികച്ച നടിക്കുള്ള അക്കാദമി അവാർഡ് ഹെപ്ബേണിനു് നേടിക്കൊടുത്തത്.
റോമൻ ഹോളിഡേ | |
---|---|
[[file:|frameless|alt=|]] | |
സംവിധാനം | വില്യം വൈലർ |
നിർമ്മാണം | വില്യം വൈലർ |
രചന | ജെയിംസ് ഡാൾട്ടൺ ട്രംബോ |
കഥ | ജെയിംസ് ഡാൾട്ടൺ ട്രംബോ |
തിരക്കഥ | ജെയിംസ് ഡാൾട്ടൺ ട്രംബോ |
അഭിനേതാക്കൾ | ഗ്രിഗറി പെക്ക്, ഓഡ്രി ഹെപ്ബേൺ, എഡ്ഡീ ആൽബർട്ട |
സംഗീതം | ഗ്യോർഗീസ് ഓറിൿ, വിക്തോർ യങ് |
ഛായാഗ്രഹണം | ഹെൻറി അലേകൻ, ഫ്രാൻസ് പ്ലാനർ |
ചിത്രസംയോജനം | റോബർട്ട് സ്വിങ്ക് |
വിതരണം | പാരാമൗണ്ട് പിക്ചേഴ്സ് |
റിലീസിങ് തീയതി | 27 ആഗസ്റ്റ് 1953 |
രാജ്യം | യുണൈറ്റഡ് സ്റ്റേറ്റ്സ് ഓഫ് അമേരിക്ക |
ഭാഷ | ഇംഗ്ലീഷ് |
ബജറ്റ് | 1.5 മില്യൺ ഡോളർ |
സമയദൈർഘ്യം | 118 മിനിട്ട് |
ആകെ | 12 മില്യൺ ഡോളർ |
ജെയിംസ് ഡാൽട്ടൺ ട്രംബോയാണു് യഥാർത്ഥത്തിൽ കഥയും തിരക്കഥയും രചിച്ചതെങ്കിലും അദ്ദേഹം ആ കാലഘട്ടത്തിൽ ഹോളിവുഡ് കരിമ്പട്ടികയിൽപെട്ടതിനാൽ ഇയാൻ മൿലേലൻ ഹണ്ടർ, ജോൺ ഡിറ്റൺ എന്നിവരുടെ പേരാണ് സിനിമയിൽ തിരക്കഥയുടെ ക്രെഡിറ്റായി നൽകിയിരിക്കുന്നതു്.[1] അക്കൊല്ലത്തെ മികച്ച തിരക്കഥയ്ക്ക് ഈ സിനിമ അർഹമായെങ്കിലും ഇയാൻ മൿലേലൻ ഹണ്ടർ പുരസ്കാരം സ്വീകരിക്കാനെത്തിയില്ല. പിന്നീടു് 2011-ലാണു് ഡാൽട്ടൺ ട്രംബോയുടെ പേരിൽ തിരക്കഥയുടെ ക്രെഡിറ്റ് പുനഃസ്ഥാപിച്ചത്. കരിമ്പട്ടികയിൽ പെട്ട സഹസംവിധായകൻ ബെർണാഡ് വോർഹോസിൻറെ ക്രെഡിറ്റും ട്രംബോയ്ക്കൊപ്പം തന്നെ പുനഃസ്ഥാപിക്കപ്പെടുകയുണ്ടായി.