വില്ല്യം ഹന്ന
From Wikipedia, the free encyclopedia
ഒരു അമേരിക്കൻ ചലച്ചിത്ര നിർമാതാവും, സംവിധായകനും, തിരക്കഥാകൃത്തും, അനിമേറ്ററും കാർട്ടൂണിസ്റ്റുമായിരുന്നു വില്ല്യം ഡെൻബി ഹന്ന [1]ജോസഫ് ബാർബറയുമ്മൊന്നിച്ച് ഹന്നാ-ബാർബറ കൂട്ടുകെട്ടാണ് ടോം ആൻഡ് ജെറി, ദി ഫ്ലിന്റ്സ്റ്റോൺസ് തുടങ്ങിയ കാർട്ടൂൺ പരമ്പരകളുണ്ടാക്കിയത്
വില്ല്യം ഹന്ന | |
---|---|
ജനനം | വില്ല്യം ഡെൻബി ഹന്ന (1910-07-14)ജൂലൈ 14, 1910 മെൽറോസ്, ന്യൂ മെക്സിക്കോ, യു.എസ്. |
മരണം | മാർച്ച് 22, 2001(2001-03-22) (പ്രായം 90) ലോസ് ആഞ്ചലസ്, കാലിഫോർണിയ, യു.എസ്. |
അന്ത്യ വിശ്രമം | അസൻഷൻ സെമിത്തേരി, ലേക്ക് ഫോറസ്റ്റ്, കാലിഫോർണിയ, യു.എസ്. |
തൊഴിൽ | Voice actor, animator, director, producer, cartoon artist, musician |
സജീവ കാലം | 1930–2001 |
ജീവിതപങ്കാളി(കൾ) | Violet Blanch Wogatzke
(m. 1936) |
കുട്ടികൾ | 2 |
മഹാ സാമ്പത്തിക മാന്ദ്യക്കാലത്തിന്റെ (ഗ്രേറ്റ് ഡിപ്രഷൻ) ആദ്യമാസങ്ങളിൽ ചെറിയ ജോലികൾ ചെയ്ത് ജീവിച്ചിരുന്ന ഹന്ന 1930-ൽ ഹാർമൻ ഏന്റ് ഐസിങ് ആനിമേഷൻ സ്റ്റുഡിയോവിൽ ജോലിചെയ്യാൻ ആരംഭിച്ചു. എം. ജി. എം. ആനിമേറ്റഡ് പരമ്പരയായ ക്യാപ്റ്റൻ ഏന്റ് ദ് കിഡ്സ് തുടങ്ങിയ കാർട്ടൂണുകൾക്ക് വേണ്ടി ജോലി ചെയ്ത അദ്ദേഹം ഈ രംഗത്തിൽ പ്രാവീണ്യം നേടി. 1937-ൽ എം. ജി. എമ്മിൽ ജോലി ചെയ്യുമ്പോളാണ് ജോസഫ് ബാർബറയെ പരിചയപ്പെട്ടത്. ഇവർ രണ്ടുപേരുടെയും കൂട്ടുകെട്ടിലുണ്ടായ ആദ്യത്തെ വിജയങ്ങളിൽ ഒന്നാണ് ടോം ഏന്റ് ജെറി.
1957-ൽ വില്ല്യം ഹന്നയും ജോസഫ് ബാർബറയും തുടങ്ങിയതും വളരെ വിജയകരമായതുമായ സംയുക്ത സംരംഭമായ ഹന്ന-ബാർബറയാണ് ഫ്ലിന്റ്സ്റ്റോൺസ്, ഹക്കിൾബെറി ഹൗണ്ട്, ദ് ജെറ്റ്സൺസ്, സ്കൂബി ഡൂ, ദ് സ്മർഫ്സ്, യോഗി ബെയർ തുടങ്ങിയവ സംവിധാനം ചെയ്യുകയോ നിർമ്മിക്കുകയോ ചെയ്തത്.
1967-ൽ ടാഫ്റ്റ് ബ്രോഡ്കാസ്റ്റിങ് പന്ത്രണ്ട് ദശലക്ഷം ഡോളറിൻ* ഹന്ന-ബാർബറയെ വാങ്ങിച്ചു, എന്നാലും അവർ രണ്ട് പേരും സ്ഥാപനത്തിന്റെ മേധാവികളായി 1991 വരെ തുടർന്നു. ഈ സമയത്താണ് സ്റ്റുഡിയോ ടേർണർ ബ്രോഡ്കാസ്റ്റിങ്ങ് വാങ്ങിയത്, പിന്നീട് 1996-ൽ ടൈം വാർണറുമായി ലയിച്ചപ്പോൾ ഹന്നയും ബാർബറയും ഉപദേശകസ്ഥാനത്ത് തുടർന്നു.
ഹന്നയും ബാർബറയും ഏഴ് ഓസ്കാർ പുരസ്കാരങ്ങളും എട്ട് എമ്മി പുരസ്കാരങ്ങളും കരസ്ഥമാക്കിയിട്ടുണ്ട്. അവർ നിർമ്മിച്ച കാർട്ടൂൺ കഥാപാത്രങ്ങൾ പുസ്തങ്ങൾ, സിനിമകൾ, കളിപ്പാട്ടങ്ങൾ എന്നിവയിൽ പ്രത്യക്ഷപ്പെട്ടിടുണ്ട്. 1960-കളിൽ മുപ്പത് കോടിയോളം ആളുകൾ കാണുമായിരുന്ന അവരുടെ പരിപാടികൾ , ഇരുപത്തിയെട്ട് ഭാഷകളിൽ മൊഴിമാറ്റം ചെയ്യപ്പെട്ടിട്ടുണ്ട്.