ശംഭാള
ടിബറ്റൻ ബുദ്ധമത പാരമ്പര്യം / From Wikipedia, the free encyclopedia
ശംഭാള ( സംസ്കൃതം: शम्भल Śambhala [1] പുറമേ ശാഭള അല്ലെങ്കിൽ ശാഭാള എന്ന് പുരാണ ഗ്രന്ഥങ്ങളിൽ എഴുതിയിരിക്കുന്നതായി കാണാൻ സാധിക്കും; ടിബറ്റിൽ നിലനിൽക്കുന്ന ഒരു മിത്തിനെ അടിസ്ഥാനം ആക്കി ശംഭാള എന്നത് ഒരു രാജവംശവും അത്ഭുത നഗരവും ആണ്. ശംഭാള എന്നത് കാലചക്ര തന്ത്രം എന്ന ടിബറ്റൻ ഗ്രന്ഥത്തിന്റ സുപ്രധാന ഭാഗം കൂടി ആകുന്നു.
ഹിന്ദു പുരാണങ്ങളിൽ പരാമർശിച്ചിരിക്കുന്ന ഒരു നഗരത്തിന്റെ പേരിൽ നിന്നാണ് ശംഭാള എന്ന സംസ്കൃത നാമം ഉയിർത്തെഴുന്നേറ്റത്, ഉത്തർപ്രദേശിൽ സംഭാൽ എന്ന ഒരു പ്രദേശം നിലകൊള്ളുന്നുണ്ട്, ആ പ്രദേശത്തെ ആണോ പരാമർശിക്കുന്നത് എന്നത് ചരിത്രകാരന്മാർക്ക് ഇടയിൽ ഒരു സംശയ വിഷയം ആണ്. വിഷ്ണു പുരാണത്തിലെ (4.24) ഒരു പ്രവചനത്തോടെയാണ് ഈ സ്ഥലത്തിനു പുരാണ പ്രസക്തി ഉണ്ടായത്, അതനുസരിച്ച് ശംഭാല കൽക്കിയുടെ ജന്മസ്ഥലമായിരിക്കും. മഹാവിഷ്ണുവിന്റെ അവസാന അവതാരമായ കൽക്കി ശംഭാലയിൽ ജനിക്കുകയും ഒരു പുതിയ യുഗത്തിന് ( സത്യയുഗം ) തുടക്കം കുറിക്കുകയും ചെയ്യും എന്ന് കാലചക്ര തന്ത്രത്തിൽ പറയുന്നു. [1] [2]
അനുത്താരയോഗ തന്ത്രങ്ങളുടെ സംഘത്തിന്റെ പാഠമായ കാലചക്ര തന്ത്രത്തിലാണ് കൽക്കിയുടെ ജന്മദേശമായ ശാഭളയുടെ വിവരണം കാണപ്പെടുന്നത്. ടിബറ്റൻ കാലചക്ര കലണ്ടറിന്റെ കാലമായ പതിനൊന്നാം നൂറ്റാണ്ടിലാവാം കാലചക്ര ബുദ്ധമതം ടിബറ്റിലേക്ക് കടന്ന് വന്നത്. പ്രശസ്തരും ഏറ്റവും അറിയപ്പെടുന്നവരും പ്രാചീനമായ കാലചക്ര അധ്യാപകർ ഡോൾപോപ്പ ഷെറാബ് ഗ്യാൽറ്റ്സെൻ (മരണം 1361), ബ്യൂട്ടൺ റിച്ചൻ ഡ്രബ് (മരണം 1364) എന്നിവരാണ്.
വിവരണത്തിൽ, മഞ്ജുരകോർത്തി രാജാവ് ബിസി 159 ൽ ജനിച്ചതായും മ്ലേച്ഛ മതത്തിന്റെ 300 ഓ 510 ഓ അനുയായികളുള്ള ഒരു രാജ്യം ഭരിച്ചതായും അവരിൽ ചിലർ സൂര്യനെ ആരാധിച്ചിരുന്നുവെന്നും പറയപ്പെടുന്നു. കാലചക്ര (സമയ ചക്രം) ബുദ്ധമതത്തിലേക്ക് പരിവർത്തനം ചെയ്യുന്നതിനുപകരം 'സൂര്യ സമാധി' (സൗരാരാധന) ഏ ആരാധന ചെയ്ത 20,000 പേരെ അദ്ദേഹം തന്റെ രാജ്യ പ്രദേശത്തിൽ നിന്ന് പുറത്താക്കിയതായി പറയപ്പെടുന്നു. തന്റെ ജനങ്ങളിൽ ഏറ്റവും ബുദ്ധിമാനും മികച്ചവരും അവരായിരുന്നു എന്നും അവരെ എത്രത്തോളം ആവശ്യമുണ്ടെന്നും തിരിച്ചറിഞ്ഞ അദ്ദേഹം പിന്നീട്, അവരോട് മടങ്ങി വരാൻ ആവശ്യപ്പെട്ടു, ചിലർ അങ്ങനെ മടങ്ങിവന്നു. എന്നാൽ തിരിച്ചെത്താത്ത ആളുകൾ ശംഭാല എന്ന നഗരം സ്ഥാപിക്കുകയും അവിടെ സ്ഥിരമായി താമസം ആരംഭിച്ചു എന്നും പറയപ്പെടുന്നു. മടങ്ങിയെത്തിയവരും ഇപ്പോഴും അദ്ദേഹത്തിന്റെ ഭരണത്തിൻ കീഴിലുള്ളവരുമായ ആളുകളെ മതപരിവർത്തനം ചെയ്യാൻ ശ്രമിക്കുന്നതിനായി മഞ്ജുരകൂർത്തി കലാചക്ര പഠിപ്പുക്കലുകൾക്ക് തുടക്കം കുറിച്ചു. ബിസി 59 ൽ തന്റെ മകൻ, പുംഡാരികക്ക് സിംഹാസനം നൽകിയ ശേഷം, സംഭോഗാകയാ ബുദ്ധിസത്തിൽ പ്രവേശിക്കുക ചെയ്ത ഉടനെ തന്നെ മരണത്തിലേക്ക് നയിക്ക പെടുകയും ചെയ്തു എന്നാണ് പറയുന്നത്.
ലോകം യുദ്ധങ്ങളാലും അത്യാഗ്രഹങ്ങളാലും ക്ഷയിച്ചുപോകുമ്പോൾ എല്ലാം നഷ്ടപ്പെട്ടു കഴിയുമ്പോൾ, 25-ാമത്തെ കൽക്കി രാജാവ് ശംഭാലയിൽ നിന്ന് ഒരു വലിയ സൈന്യവുമായി ഇരുണ്ട സേനയെ കീഴടക്കി ലോകമെമ്പാടുമുള്ള സുവർണ്ണ കാലഘട്ടത്തിലേക്ക് നയിക്കുമെന്ന് കാലചക്ര തന്ത്രം പ്രവചിക്കുന്നു. ഈ അന്തിമ യുദ്ധം 2424 അല്ലെങ്കിൽ 2425 വർഷത്തിലാവാം നടക്കുന്നത്, ബുദ്ധന്റെ മരണശേഷം 5,104-ാം വർഷത്തിൽ ഇത് നടക്കും എന്ന് പ്രവചിക്കപ്പെടുന്നു. [5]