സൂപ്പർനോവ Iഎ
From Wikipedia, the free encyclopedia
സ്പെക്ട്രത്തിൽ ഹൈഡ്രജൻ രേഖകളുടെ അഭാവമുള്ള,6150നാനോമീറ്ററിൽ അയണീകൃത സിലിക്കണിന്റെ സാന്നിദ്ധ്യമുള്ള സൂപ്പർനോവകളാണ് Type Ia സൂപ്പർനോവ.വെള്ളക്കുള്ളൻ നക്ഷത്രങ്ങളുടെ പൊട്ടിത്തെറിയാണിത്.ദ്രവ്യമാനം കുറഞ്ഞ നക്ഷത്രങ്ങളുടെ പരിണാമപ്രക്രിയയുടെ അവസാന ഘട്ടമാണ് വെള്ളക്കുള്ളന്മാർ.എങ്കിലും കാർബൺ-ഓക്സിജൻ വെള്ളക്കുള്ളന്മാരുടെ താപനില വേണ്ടത്ര ഉയർന്നാൽ ന്യൂക്ലിയർ ഫ്യൂഷൻ പ്രക്രിയ പുനരാരംഭിക്കും.
ഒരു ദ്വന്ദ്വനക്ഷത്രവ്യൂഹത്തിന്റെ ഭാഗമാവാനിടയാകുന്ന വെള്ളക്കുള്ളൻ അതിന്റെ പങ്കാളിയിൽ നിന്നും ദ്രവ്യം വലിച്ചെടുത്ത് കാർബൺ ഫ്യൂഷനാവശ്യമായ താപനിലയിലെത്തുന്നു.ഫ്യൂഷൻ തുടങ്ങി നിമിഷങ്ങൾക്കകം വെള്ളക്കുള്ളനിലെ ദ്രവ്യത്തിന്റെ ഒരു ഭാഗം runaway reaction നടന്ന് ഒരു സൂപ്പർനോവ വിസ്ഫോടനത്തിനാവശ്യമായ ഊർജ്ജം (1–2×1044 J) പുറന്തള്ളുന്നു.
ഇത്തരത്തിലുണ്ടാകുന്ന സുപ്പർനോവകളുടെ peak luminosity സമാനമായിരിക്കും.വിസ്ഫോടനത്തിനു മുൻപ് വെള്ളക്കുള്ളന്മാരിൽ അടിഞ്ഞുകൂടുന്ന പിണ്ഡം സമമായതിനാലാണിത്. ദൃശ്യകാന്തിമാനത്തിലുള്ള ഈ സ്ഥിരത മൂലം Type Ia സൂപ്പർനോവകൾ അവ ഉൾക്കൊള്ളുന്ന ഗാലക്സികളിലേക്കുള്ള ദൂരം അളക്കാനുള്ള സ്റ്റാൻഡേർഡ് കാൻഡിൽസ് ആയി ഉപയോഗിക്കുന്നു.