2012 ഐ.സി.സി. വേൾഡ് ട്വന്റി 20
From Wikipedia, the free encyclopedia
നാലാം ട്വന്റി 20 ക്രിക്കറ്റ് ലോകകപ്പ് 2012 സെപ്റ്റംബർ 18 മുതൽ ഒക്ടോബർ 7 വരെ ശ്രീലങ്കയിൽ നടന്നു. മൂന്ന് വേദികളിലായിരുന്നു മത്സരം നടന്നത്. 12 രാജ്യങ്ങളുടെ സംഘങ്ങളാണ് ഈ ലോകകപ്പിൽ മത്സരിച്ചത്. ഈ ടീമുകൾ 4 ഗ്രൂപ്പുകളിലായാണ് പ്രാഥമികഘട്ടമൽസരങ്ങൾ കളിച്ചത്. ശ്രീലങ്കൻ പേസ് ബൌളർ ലാസിത് മലിംഗ ആയിരുന്നു ലോകകപ്പിന്റെ ഈവേന്റ്റ് അംബാസിഡർ ആയി നിയോഗിക്കപ്പെട്ടത്. സെപ്റ്റംബർ 27 മുതൽ ഒക്ടോബർ 2 വരെ സൂപ്പർ 8 മത്സരങ്ങൾ നടന്നു. 2 ഗ്രൂപ്പുകളിലായാണ് ഈ ഘട്ടത്തിൽ മൽസരങ്ങൾ നടന്നത്. സൂപ്പർ എട്ടിൽ നിന്ന് ശ്രീലങ്ക, വെസ്റ്റ് ഇൻഡീസ്,ഓസ്ട്രേലിയ, പാകിസ്താൻ എന്നീ ടീമുകൾ സെമീഫൈനലിൽ എത്തി. 2012 ഒക്ടോബർ 4, 5 തിയതികളിൽനടന്ന സെമിഫൈനലുകളിൽ ശ്രീലങ്ക, പാകിസ്താനെയും വെസ്റ്റ് ഇൻഡീസ്, ഓസ്ട്രേലിയയേയും തോൽപ്പിച്ച് ഫൈനലിൽ കടന്നു. ഒക്ടോബർ 7 ന് നടന്ന ഫൈനലിൽ ശ്രീലങ്കയെ 36 റൺസിന് തോൽപ്പിച്ച് തങ്ങളുടെ ആദ്യ ട്വന്റി-20 ലോക കിരീടം വെസ്റ്റ് ഇൻഡീസ് നേടി.
തീയതി | സെപ്റ്റംബർ 18–ഒക്ടോബർ 7 |
---|---|
സംഘാടക(ർ) | അന്താരാഷ്ട്ര ക്രിക്കറ്റ് സമിതി |
ക്രിക്കറ്റ് ശൈലി | ട്വന്റി 20 ക്രിക്കറ്റ് |
ടൂർണമെന്റ് ശൈലി(കൾ) | Group stage and Knockout |
ആതിഥേയർ | ശ്രീലങ്ക |
ജേതാക്കൾ | വെസ്റ്റ് ഇൻഡീസ് (1-ആം തവണ) |
പങ്കെടുത്തവർ | 12[1] |
ആകെ മത്സരങ്ങൾ | 27 |
ടൂർണമെന്റിലെ കേമൻ | ഷെയ്ൻ വാട്സൺ |
ഏറ്റവുമധികം റണ്ണുകൾ | ഷെയ്ൻ വാട്സൺ (249) |
ഏറ്റവുമധികം വിക്കറ്റുകൾ | അജന്താ മെൻഡിസ് (15) |
ഔദ്യോഗിക വെബ്സൈറ്റ് | Official website |
← 2010 2014 → |