From Wikipedia, the free encyclopedia
ബെൽച്ചർ ദ്വീപുകൾ ([Inuit]: Sanikiluaq)[1] ഹഡ്സൺ ഉൾക്കടലിന്റെ തെക്കുകിഴക്കൻ ഭാഗത്തായി സ്ഥിതിചെയ്യുന്ന ഒരു ദ്വീപസമൂഹമാണ്. ബെൽച്ചർ ദ്വീപുകൾ ഏകദേശം 3,000 ചതുരശ്ര കിലോമീറ്റർ (1,160 ചതുരശ്ര മൈൽ) പ്രദേശത്തായി വ്യാപിച്ചുകിടക്കുന്നു. ഭരണപരമായി, ഈ ദ്വീപുകൾ കാനഡയിലെ നുനാവട് പ്രദേശത്തെ ക്വിക്കിഖ്ട്ടാലുക് മേഖലയിൽ ഉൾപ്പെട്ടിരിക്കുന്നു. സാനിക്കില്വാക്ക് എന്ന കുഗ്രാമം (ദ്വീപസമൂഹത്തിലെ ജനങ്ങളിൽ ഭൂരിഭാഗവും വസിക്കുന്നത് ഇവിടെയാണ്) നുനാവടിന്റെ ഏറ്റവും തെക്കുഭാഗത്തായി ഫ്ലാഹെർട്ടി ദ്വീപിന്റെ വടക്കൻ തീരത്തായി സ്ഥിതിചെയ്യുന്നു.
Native name: Sanikiluaq | |
---|---|
Geography | |
Location | Hudson Bay |
Coordinates | 56°20′N 79°30′W |
Archipelago | Belcher Islands Archipelago |
Total islands | 1,500 |
Major islands | Flaherty Island, Kugong Island, Tukarak Island, Innetalling Island |
Area | 2,896 km2 (1,118 sq mi) |
Administration | |
Territory | Nunavut |
Region | Qikiqtaaluk |
Demographics | |
Population | 882 (2011) |
Pop. density | 4.0 /km2 (10.4 /sq mi) |
Ethnic groups | Inuit |
ഫ്ലാഹെർട്ടി ദ്വീപിനു സമാന്തരമായി സ്ഥിതിചെയ്യുന്ന മറ്റ് വലിയ ദ്വീപുകൾ കുഗോങ് ദ്വീപ്, ടുക്കരാക് ദ്വീപ്, ഇന്നെറ്റാല്ലിങ് ദ്വീപ് എന്നിവയാണ്.[2] 1,500 ദ്വീപുകൾ ഉൾപ്പെടുന്ന ഈ ദ്വീപസമൂഹത്തിലെ മറ്റു പ്രധാന ദ്വീപുകളിൽ മൂർ ദ്വീപ്, വീഗാന്റ് ദ്വീപ്, സ്പ്ലിറ്റ് ദ്വീപ്, സ്നേപ്പ് ദ്വീപ്, മാവർ ദ്വീപ് എന്നിവയും ദ്വീപ സമൂഹങ്ങളായ സ്ലീപ്പർ ദ്വീപുകൾ, കിംഗ് ജോർജ് ദ്വീപുകൾ, ബേക്കർ ഡസൻ ദ്വീപുകൾ എന്നിവയും ഉൾപ്പെടുന്നു.[3]
1914 ന് മുമ്പ്, ഇംഗ്ലീഷ് സംസാരിക്കുന്ന ഭൂപട നിർമ്മാതാക്കൾക്ക് ബെൽച്ചർ ദ്വീപുകളെക്കുറിച്ചുള്ള അറിവ് വളരെ പരിമിതമായിരുന്നതിനാൽ അവർ ഭൂപടങ്ങളിൽ ദ്വീപുകളെ അവയുടെ യഥാർത്ഥ വ്യാപ്തിയെക്കാൾ ഏറെ ചെറുതായി പൊട്ടുകൾ പോലെ കാണിച്ചു. ആ വർഷം ജോർജ്ജ് വീറ്റാൽതക്[4] വരച്ച ഒരു ഭൂപടം റോബർട്ട് ഫ്ലാഹെർട്ടിയുടെ കൈകളിലെത്തിയതോടെ ഭൂപട രചയിതാക്കൾ ദ്വീപുകളെ കൂടുതൽ വ്യക്തതയോടെ സൂചിപ്പിച്ചു തുടങ്ങി.[5] റോയൽ നേവി അഡ്മിറലായിരുന്ന സർ എഡ്വേർഡ് ബെൽച്ചറിന്റെ (1799-1877) പേരിലാണ് ദ്വീപുകൾ അറിയപ്പെടുന്നത്.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.