From Wikipedia, the free encyclopedia
കാട്ടുപോത്തിൻറെ ഗോത്രത്തിൽ ഉൾപ്പെടുന്ന ഒരിനം വന്യമൃഗമാണ് കാട്ടെരുമ (ശാസ്ത്രീയനാമം: Bubalus arnee). ഇരട്ടക്കുളമ്പുകളുള്ള ഇവ മധ്യേന്ത്യയിലും ആസാമിലും കാണപ്പെടുന്നു. സംഘമായി കഴിയുന്ന ഇവ പെട്ടെന്ന് ആക്രമണകാരികളാവുന്നു. കറുത്തുവളഞ്ഞുപരന്ന കൊമ്പുകളും ദേഹത്തെ രോമക്കൂടുതലും ഇവയെ വ്യത്യസ്തമാക്കുന്നു. ഓടിച്ചെന്ന് ശത്രുക്കളെ മസ്തകം കൊണ്ട് ഇടിച്ച് അക്രമിക്കുന്നതാണ് ഇവയുടെ രീതി. വലിപ്പമുള്ളതും കറുത്തതും ശക്തവുമായ പരന്നതും വിശാലമായ വളവുള്ളതുമായ കൊമ്പുകളുള്ള കാട്ടെരുമ (wild buffalo), ഏറ്റവും അപകടകാരിയായ മൃഗമായാണ് കണക്കാക്കപെടുന്നത്. വളർത്തുപോത്തിൻറെ വണ്ണംകുറഞ്ഞതും ഭാരം കൂടിയതുമായ വകഭേദമാണിത്.
Wild water buffalo | |
---|---|
ശാസ്ത്രീയ വർഗ്ഗീകരണം | |
Domain: | Eukaryota |
കിങ്ഡം: | Animalia |
Phylum: | കോർഡേറ്റ |
Class: | Mammalia |
Order: | Artiodactyla |
Family: | Bovidae |
Subfamily: | Bovinae |
Genus: | Bubalus |
Species: | B. arnee |
Binomial name | |
Bubalus arnee (Kerr, 1792) | |
Subspecies | |
| |
Asiatic water buffalo range |
ലോകത്തിൽ ഏത് മൃഗത്തിനുള്ളതിനെക്കാളും വലിയ കൊമ്പുകളാണ് ഇതിനുഉള്ളത്. രണ്ടുതരത്തിൽ കൊമ്പുകളുള്ള ഇനങ്ങളുണ്ട്. ഒന്നിൻറെ കൊമ്പ് അർദ്ധവൃത്താകൃതിയിൽ മുകളിലേക്ക് വളഞ്ഞ് തമ്മിൽ കൂട്ടിമുട്ടുന്നതുപോലെയാണ്. മറ്റൊന്നിൻറെ കൊമ്പ് മുകളിലേക്ക് പൊങ്ങിയശേഷം അകത്തേക്ക് വളയുന്നു. കാട്ടെരുമയ്ക്ക് പുകപുരണ്ടതുപോലെ വെളുപ്പുനിറത്തിലുള്ള കാലുകളുണ്ട്. ഇത് അവയെ തിരിച്ച് അറിയാനുള്ള അടയാളവുമാണ്. വലർത്ത്എരുമകളുമായും പോത്തുകളുമായും ഇണ ചേരാറുള്ള ഇവ ആസാമിലെ ജനങ്ങൾക്ക് വലിയ തലവേദന സൃഷ്ടികാറുണ്ട്. മദ്ധ്യഇന്ത്യയിൽ കാണപ്പെടുന്നതും വംശനാശത്തെ നേരിടുന്നതുമായ കാട്ടെരുമയിനങ്ങൾ കുറേക്കൂടി ശുദ്ധമായ ഇനങ്ങളാണെന്ന് വിശ്വസിക്കപെടുന്നു.
ഇവ ഇപ്പോൾ കിഴക്കേ ഇന്ത്യയിലെ കാസിരംഗ നാഷണൽ പാർക്ക് കൂടാതെ മദ്ധ്യേ ഇന്ത്യയിൽ ബസ്തറിയിലുള്ള ഇന്ദ്രാവതി, ഉഡന്തി, പാമേർ എന്നീ വന്യജീവിസങ്കെതങ്ങളിൽ ഒറിസ്സയിലെ കൊരപ്പൂട് ജില്ലയിലും കണ്ടുവരുന്നു.
ആക്രമിക്കാൻ തയ്യാറെടുക്കപ്പെടുമ്പോൾ ഇവ മുക്രിയിട്ടുകൊണ്ട് കാൽ നിലത്ത് ചവിട്ടുകയും ആക്രമണസന്നദ്ധമായി തലയാട്ടുകയും ചെയ്യുന്നു. ശത്രുക്കൾ അടുത്താണെന്നുകണ്ടാൽ കിടാവിനു ചുറ്റും കനത്ത വലയമുണ്ടാക്കുകയും ചെയ്യും.
തോൾവരെ പൊക്കം: 155-180 സെ.മീ. തൂക്കം 800-1200 കിലോ.
ആവാസവ്യവസ്ഥയുടെ നഷ്ടം, കന്നുകാലിമെയ്ക്കൽ, മറ്റു കന്നുകാലിയുമായുള്ള വര്ഗ്ഗസങ്കരണം. [3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.